އެމްޑީޕީން ކދ އާ ދެކޮޅަށް ޚާއްސަ މަޖިލީހުން ފާސްކުރި ލިޔުމުގައިވާ ލިސްޓާއި ގަވައިދުގައިވާ ލިސްޓާ މެދު ކޯޓުން ވަކިގޮތެއް ނިންމަނީ
މިއަހަރުގެ އޮކްޓޫބަރ 18 ވަނަ ދުވަހު މުޅިރާއްޖޭގައި ނެނގި އާއްމު ސިއްރުވޯޓަށް ހާއްސަ މަޖިލީހުން ފާސްކޮށްފައިވާ ލިޔުމުގައިވާ ލިސްޓާއި އާއްމު ސިއްރުވޯޓު 2007ގެ ލިސްޓާ, ދެލިސްޓަކީ އެއްލިސްތޯ ނުވަތަ ނޫންތޯ ބަލާ, ކޯޓުން ގޮތެއް ނިންމާނެ ކަމަށް ބުނެފި އެވެ
ކޯޓުން މިހެން ބުނެފައި ވަނީ ދައުލަތުން މިދެލިސްޓަކީ ތަފާތު ދެލިސްޓެއް ކަމަށް ބުނަމުންދިޔަ ނަމަވެސް ދައުވާ ކުރަމުންދާ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ން މިއީ އެއްލިސްޓެއް ކަމަށް ބުނަމުންދާތީ އެވެ
މިއަދު އޮތް ޝަރީއަތުގެ މަޖިލީހުގައި ދައުލަތު ފަރާތުން އިއްވެވި ބަޔާނަށް ޖަވާބު ދާރީ ވަމުން އެމްޑީޕީގެ ވަކީލާ ހިޝާން ހުސެއިން ވިދާޅުވީ އެޕާޓީން ވިދާލުވަމުން އަންނަ ވާހަކަތަކަށް ދައުލަތުން ޖަވާބު ދާރީ ވަމުން ނުދާ ކަމަށެވެ
ދައުލަތުގެ ވަކީލު މޫސާ އާލިމް ވިދާޅުވީ އެމްޑީޕީން ބުނެމުންދަނީ ކޮންލިސްޓެއްގެ ވާހަކައެއް ކަމެއް ނޭގޭ ކަމަށާ އެކަން އެމްޑީޕީން ސާފުކޮށްދޭން ޖެހޭނެ ކަމަށެވެ
އާލިމް ވިދާޅުވީ އެމްޑީޕީން އެބުނަމުން ދަނީ އިލެކްޝަން ސައިޓުގައި ހިމަނާފައިވާ ލިސްޓުގެ ނުވަތަ ވޯޓުލުމުގެ މަސައްކަތް ހިނގަމުންދިޔައިރު ކޮންމެ ފޮއްޓެއް ކައިރީގައިވާ ލިސްޓުތޯ ސާފު ނުވާ ކަމަށެވެ
މިވޯޓުގެ މައްސަލާގައި އެމްޑީޕީން ވަނީ އެޓޯލްމިނިސްޓަރ ތަސްމީނުގެ މައްޗަށްވެސް ދައުވާކޮށްފަ އެވެ
No comments:
Post a Comment