ޔާމީނުގެ ނަންފުޅު ބޭނުން ކޮށްގެން ރީކޯ އިބުރާހިމް މަނިކު އެޕާޓީގެ ސެކެޓަރީ ޖެނެރަލަށް ބިރުދައްކަން ފަށައިފި
މޯލްޑިވިއަން ސޯޝަލް ޑިމޮކްރެޓިކް ޕާޓީ (އެމްއެސްޑީޕީ)ގެ ސެކެރެޓަރީ ޖެނެރަލް މުހައްމަދު ނަބީލަށް އެޕާޓީގެ ލީޑަރ ރީކޯ އިބުރާހިމް ކުރީގެ ހަޔަރ އެޑިއުކޭޝަން މިނިސްޓަރ އަބުދުﷲ ޔާމީން އަބުދުލް ގައްޔޫމް ބަދުނާމް ވާގޮތައް ބިރުދައްކަން ފަށައިފި އެވެ
އެމްއެސްޑީޕީގެ ސެކެރެޓަރީ ޖެނެރަލް ވިދާޅުވީ އިބުރާހިމް މަނިކު އޭނައަށް ރޭގެ އެތައް ފަހަރަކު ގުޅިކަމަށާއި އަދި ޔާމީންއޭ ކިޔައިގެން ބިރުދެއްކުމުގެ މެސެޖްތަކެއް ފޮނުވާފައިވާ ކަމަށެވެ
ނަބީލް ވަނީ މި މެސެޖްތައް ޖަޒީރާގެ ނޫސްވެރިންނަށްވެސް ދައްކާފަ އެވެ. ހ.ރީކޯ އިބުރާހިމް މަނިކުގެ ނަމުގައި ދިރާގުގައި ރަޖިސްޓްރީ ކޮށްފައިވާ 7746408 ނަންބަރު ސިމުން ރޭގެ 2:13 ގައި ނަބީލުއަށް ފޮނުވާފައިވާ މެސެޖްގައި ބުނެފައިވަނީ އިބްރާހިމް މަނިކާ ޔާމީނަކީ ވަރަށް އެކުވެރި ދެމީހުން ކަމަށާއި އަދި ނަބީލް މެންނަށް ޔާމީނުއާ ބެހެވުމަކީ އެޅުނު ޅަ ފިޔަވަޅެއް ކަމަށާއި އެހެން ކަމުން މާލޭގެ މަގުތަކުގައި ހިނގާ އިރު ބަލައިގެން އުޅުމަށެވެ
މިކަމާ ގުޅިގެން އިބުރާހިމް މަނިކަށް ގުޅުމުން ވިދާޅުވީ ނަބީލްއާ ބެހޭގޮތުން އެއްވެސް ވާހަކައެއް ދަންކަން ބޭނުންނުވާ ކަމަށެވެ
” އަޅުގަނޑު ބޭނުމެއް ނޫން ނަބީލްއާ ބެހޭ ގޮތުން އެއްވެސް ވާހަކައެއް ދައްކަން. ތިކަހަލަ ބުލީ ކުރާ މީހުން އުޅޭނެ ތިގޮތަށް. ކޮންމެ ދުވަހަކުވެސް ބަލާނީ އަޅުގަނޑޭ ކިޔައިގެން ކޮންމެވެސް ނޫހެއްގައި ލިޔެވޭތޯ“ ރިކޯ އިބުރާހިމް މަނިކު ވިދާޅުވި އެވެ
” މި މެސެޖުން އިބުރާހިމް މަނިކު އެބުނަނީ ޔާމީނަކީ ------ކޭ. އެކަމަކު އަޅުގަނޑަށް ލަފައެއް ނުވޭ ޔާމީން އެގޮތައް ކަންތައްތައް ކޮށްފާނެ ކަމަކަށް.“ ނަބީލް ވިދާޅުވި އެވެ
ނަބީލް އިތުރަށް ވިދާޅުވީ ރޭގެ ވަގުތެއްގައި ބަޔަކު ބޭސްބޯޅަ ކުޅޭ ބެޓެއް ހިފައިގެން އޭނާގެ ފަހަތުން ދުވި ކަމަށެވެ
” ރޭގެ ވަގުތެއްގައި ދެ މީހަކު ވަނީ އަޅުގަނޑު ހޯދުމަށް ގެއަށް އައިސްފައި. ބެޓެއް ހިފައިގެން އައި މިދެމީހުން ބުނީ ނަބީލްއަށް އަންގާށޭ އާރިފްއާ އެދެމީހުން ވެގެން އިބުރާހިމް މަނިކު އެ ޕާޓީގެ ފައިސާތަކަށް ހިޔާނާތްތެރިވި މައްސަލަ މަޖުލީހަށް ވައްދައިފި ނަމަ މަރާލާނެ ކަމަށް“ ނަބީލް ވިދާޅުވި އެވެ
ނަބީލް ވިދާޅުވީ ރޭގެ ދަންވަރުގައި އިބުރާހިމް މަނިކު އޭނައަށް ގުޅި ކަމަށާއި އަދި އިބުރާހިމް މަނިކު އެޕާޓީގެ ފައިސާއަށް ހިޔާނާތްތެރިވި ކަމަށް ބުނާ މައްސަލަ މަޖުލީހަށް ވަދެެއްޖެ ނަމަ ޔާމީނުއާ ގުޅިގެން ނަބީލާ ހަމަލާދޭނެ ކަމަށް ބުނެފައިވާ ކަމަށެވެ
ޔާމީން ވިދާޅުވީ އިބްރާހިމް މަނިކާ އޭނައާ އެއްވެސް ގުޅުމެއް ނުވާނެ ކަމަށާއި އަދި އެފަދަ ހަމަނުޖެހުމެއް ހިންގުމަށް ނޫޅުއްވާ ކަމަށެވެ
” އަޅުގަނޑޭ ކިޔައިގެން ތިކަހަލަ ވާހަކަތަކެއް މިނިވަން ނޫހުގައި ޖެހުމުންވެސް އަޅުގަނޑު ވާނީ އެކަން ދޮގުކޮށްފައި. ތިފަދަ ވާހަކައެއް ދައްކާތީ ހައިރާންވަން. އަޅުގަނޑާއި އިބުރާހިމް މަނިކާ އެއްވެސް ގުޅުމެއް ނޯންނާނެ. އޭނައާ އަޅުގަނޑު ބައްދަލުވެފައިވެސް ވަނީ ޖުމްލަ ދެފަރަހު އެދެފަހަރު ނޫނީ އޭނައާ ވާހަކަވެސް ދައްކާފައެއް ނުވާނެ“ މިއަހަރުގެ މެދުތެރޭގައި ވަޒީރު ކަމުން އިސްތިއުފާދެއްވި ޔާމީން ވިދާޅުވި އެވެ
ނަބީލް ވިދާޅުވީ އިބުރާހިމް މަނިކު އެޕާޓީގެ ފައިސާތަކަށް ހިޔާނާތްތެރިވި މައްސަލަ އިލެކްޝަނަށް ފޮނުވުމުގެ ކުރިންވެސް އިބުރާހިމް މަނިކު އޭނައަށް ގުޅިކަމަށާއި އަދި ގުޅާފައި ބުނީ 20 ހާސް ރުފިޔާ ދޭނެ ކަމަށާއި އެހެން ފަރާތްތަކާ ގުޅިގެން އޭނަ ބަދުނާމު ކުރުން ހުއްޓާލުމަށް އެދިފައިވާ ކަމަށެވެ
” އިބުރާހިމް މަނިކު ބުނީ އަހަރެންގެ އަންހެނުންވެސް އިނީ ބަލިވެއެއް ނޫންހޭ. އެހެންވީމަ އެންމެ ރަނގަޅު ގޮތަކީ ތިމަންނަ ކައިރީ މަޑުކުރުމޭ. 20 ހާސް ރުފިޔާވެސް ދޭނަމޭ. އާރިފްމެންނާ ގުޅިގެން ޕާޓިއަށް އިސްލާހު ގެނައުމުގެ މަސައްކަތް ހުއްޓާލާށޭ,“ ނަބީލް ވިދާޅުވި އެވެ
No comments:
Post a Comment