”ރޯދައިގެ އަލި“ މިނަމުގައި އާ ފޮތެއް، ރައީސުލްޖުމްހޫރިއްޔާގެ އޮފީހުން މިއަދު ނެރުއްވައިފި
”ރޯދައިގެ އަލި“ މިނަމުގައި އާ ފޮތެއް، ރައީސުލްޖުމްހޫރިއްޔާގެ އޮފީހުން މިއަދު ނެރުއްވައިފިއެވެ. މިފޮތަކީ، ކޮންމެ ރަމަޟާން މަހަކު ދިވެހިރާއްޖޭގެ އަޑުން ކޮންމެ ދުވަހަކު ފޮނުއްވާ ”ރޯދައިގެ އަލި“ މި ޕްރޮގްރާމްގައި، ރައީސުލްޖުމްހޫރިއްޔާ އަލްއުސްތާޛު މައުމޫން ޢަބްދުލްޤައްޔޫމް ދައްކަވާފައިވާ ވާހަކަފުޅުތައް ހިމަނުއްވައިގެން އެކުލަވާލައްވާފައިވާ ފޮތެކެވެ. ރޯދައިގެ މާތްކަމާއި މަތިވެރިކަމާއި، ރޯދަ ހިފުމުގެ ސަބަބުން ލިބޭ ދަރުމައާއި ޘަވާބުގެ މަތިވެރިކަމާއި، ރޯދައިގެ ޙުކުމްތަކުގެ މައްޗަށާއި، ރޯދައާބެހޭ އެހެން ކަންކަމުގެ މައްޗަށް، މިސިލްސިލާގެ 30 ޕްރޮގްރާމްގައި ރައީސުލްޖުމްހޫރިއްޔާވަނީ ވާހަކަފުޅު ދައްކަވާފައެވެ.
ރައީސުލްޖުމްހޫރިއްޔާގެ އޮފީހުގެ ޕްރެސް އެންޑް ޕަބްލިކޭޝަންސް ސެކްޝަނުން ޚަބަރު ދެއްވާ ގޮތުގައި، މިއީ މިއަހަރުގެ ބަރަކާތްތެރި ރަމަޟާންމަހާ ގުޅިގެން ޝާއިޢު ކުރައްވާ ފޮތެކެވެ. މިއީ ހިލޭ ބައްސަވާ ފޮތެކެވެ.
No comments:
Post a Comment