ނަން އިއްވާފައި އޮއްވާ މ. އަތޮޅު މެމްބަރު ޝަފީގު ހޯލަށް ވަންނަން އުޅުމުން ސިފައިންގެ މީހަކު އޭނާ ގައިގައި ބެއްދުމުން ޖަލްސާ ހޫނުވެގެން ހުއްޓާލައިފި
ރައްޔިތުންގެ ހާއްސަ މަޖިލީހުގެ މިއަދުގެ ޖަލްސާގައި ނަން އިއްވާފައި ވަނިކޮށް, މ. އަތޮޅު މެމްބަރު އަހުމަދު ޝަފީގު ޖަލްސާއަށް ވަންނަން އުޅުމުން ނުވެއްދުމަށް ސިފައިންގެ މީހަކު އޭނާ ގައިގައި ބެއްދުމުން ޖަލްސާ ހޫނުވެގެން ހުއްޓާލައިފި އެވެ
ޝަފީގު ނަން ޖަލްސާގައި ރިޔާސަތުން އިއްވީ ރައީސްގެ މެމްބަރު ޑރ. ފާތިން ހަމީދު ޝަފީގު އާއި ތ. އަތޮޅު މެމްބަރު ޑރ. ހުސައިން ރަޝީދު ހަސަނާ ބެހޭ ގޮތުން ވާހަކައެއް ދައްކަވަމުންދާތީ ނިޒާމާ ބެހޭ ނުކުތާ ނެގުމުން އެކަން ރިޔާސަތުން ބަލައިނުގަނެ އިށިއިނުމަށް ދެންނެވުމުން އެކަމަށް އޭނާ އިންކާރުކުރެއްވުމުންނެވެ
”ނިޒާމާ ބެހޭ ނުކުތާއެއްގެ ގޮތުގައި ބަލައިނުގަނެ އިށީންނެވުމަށް ރިޔާސަތުން އެދުމުން އެކަމަށް އިންކާރުކުރުމުން ޝަފީގުގެ ނަން އިއްވީ“ މަޖިލިސް ކަވަރުކުރުމަށް ގޮސް ހުރި ޖަޒީރާގެ ސަބް އެޑިޓަރު އަހުމަދު މުހުސިން ދާދި ދެންމެ އަކު ބުންޏެވެ
”ނަން އިއްވުމުން ވެސް އޭނާ ޖަލްސާ ދޫކުރައްވައި ވަޑައިނުގެންނެވުމުން ފަސް މިނިޓަށް ޖަލްސާ މެދު ކަނޑާލި. މެދު ކަނޑާލުމަށް ފަހު ވަންނަން އުޅުމުން ސިކިއުރިޓީ ބަލަހައްޓާ ގައުމީ ދިފާއީ ބާރުގެ ސިފައިން އޭނާ ހިފަހައްޓަށް އުޅުމުން އެތެރޭގައި ތިބި މެމްބަރުންތައް ޝަފީގާ ދިމާލަށް އައި.“
އެ ހާދިސާއާ ގުޅިގެން މެމްބަރުންތައް ހޯލުދޫކުރައްވައި ބޭރަށް ވަޑައިގަންނަވަން ފެށުމުން ކޯރަމް ހަމަނުވެގެން ޖަލްސާ ނިންމާލީ 10:10 ހާއިރުކަމަށް ވެ އެވެ. ޝަފީގު ޖަލްސާ އަށް ވަންނަން އުޅުއްވުމުން ހިފެހެއްޓެވީ 9:55 ހާއިރުކަމަށްވެ އެވެ
Report: Velidhoo News
No comments:
Post a Comment