މަޖިލީހުގެ ސެކިޔުރީޓީން މ. އަތޮޅު މެންބަރު ޖަލްސާއަށް ވެދެ ވަޑައިގެންނެވުމަށް ހުރަސް އެޅުއްވި
3/9/2007
މ.އަތޮޅު މެންބަރު އަޙުމަދު ޝަފީޤު މަޖިލީހުގެ ޖަލްސާއަށް ވަދެވަޑައިގެންނެވުމަށް އުޅުއްވަނިކޮށް ސެކިއުރިޓީން ހުރަސްއެޅުއްވި އެޅުއްވުން އެއީ ޙަޤީގަތެއް ކަމަށް ރައްޔިތުންގެ މަޖިލީހުގެ އަމީން ޢާންމު އަޙްމަދު މުޙައްމަދު ވިދާޅުވެއްޖެއެވެ.
މިކަން ހިނގި ގޮތް އޮޅުން ފިލުވާ ދެއްވަމުން އަމީން ޢާންމު ވިދާޅުވީ މަޖިލީހުގެ ޖަލްސާގައި ރިޔާސަތަށް ނުކިޔަމަންތެރިވެގެން ރިޔާސަތުން ނަން އިއްވެވުމުން، ޤަވާއިދުގައި ބުނާގޮތުން ޖަލްސާގެ ކުރިއަށް އޮތްބައިގައި އެ މެންބަރަކަށް ބައިވެރިވެ ވަޑައިއެއް ނުގެންނެވޭނެއެވެ.
ފަސްމިނެޓަށް މިއަދުގެ ޖަލްސާ މެދުކަނޑާލެއްވުމުގެ ކުރިން ރިޔާސަތުން ވަނީ އަހުމަދު ޝަފީޤުގެ ނަން އިއްވާ ޖަލްސާއިން ނުކުމެވަޑައިގަތުމަށް އަންގަވާފައެވެ. އެހެންކަމުން ޖަލްސާއަށް ވެދެވަޑައި ނުގަތުމަށް ސެކިއުރިޓީން ދެންނެވުމުން، ޖަލްސާ ކުރާމާލަމުގައި ދޮރުގެ ބޭރުން، ހުރަސް އަޅައިގެން ހުންނެވި ސެކިއުރިޓީ މީހާގެ އަތް ފޮޅާލައްވާ ގަދަކަމުން ޖަލްސާކުރާ މާލަމަށް ވަދެވަޑައި ގެންނެވުމަށް ޝަފީޤު މަސައްކަތްކުރެއްވި ކަމަށް އަމީން ޢާންމު ވިދާޅުވިއެވެ. މަޖިލީހުގެ ސެކިއުރިޓީން، ޝަފީޤަށް އަނިޔާ ކުރިކަމަށް ދެކެވޭ ވާހަކަވެސް އަމީން ޢާންމު ދޮގުކުރެއްވިއެވެ.
ނަމަވެސް އިއްޔެގެ ޖަލްސާދޫކޮށް ނުކުންނެވި ބައެއް މެންބަރުން ވިދާޅުވީ މަޖިލީސް ކުރާ ގޭގެ ސެކިއުރިޓީ ބަލަހަށްޓަވަން ތިއްބަވާ ހުދުކުލައިގެ ޔުނިފޯމްގައި ތިބި ސިފައިންގެ މީހުން މ. އަތޮޅު މެންބަރު އަޙުމަދު ޝަފީޤަށް އަނިޔާކޮށްފައި ވާކަމުގައެވެ. އެކަން ކުށްވެރި ކުރަވައި ބައެއް މެންބަރުން މަޖިލީސް ކުރާގޭގެ އިރުމަތީ ގޭޓް ކުރިމަތީގައި އިއްޔެ ވަނީ ނޫސްވެރިންނަށް މަޢުލޫމާތު ދެއްވައިފައެވެ.
ޖަލްސާދޫކުރައްވައިފައި ނުކުންނެވި ބައެއް މެންބަރުން މަޖިލީސް ކުރާ ގޭގެ ތެރޭގައި ޚާއްޞަ މަޖިލީހުގެ ރައީސާއި ސެކިއުރިޓީންނާ ދެކޮޅަށް ވަނީ އަޑު އުފުއްލަވާފައެވެ. އަދި މަޖިލީހުގެ ގޯތިތެރޭގައި ތިއްބަވަގެންވެސް އެމެންބަރުން ވަރަށް ބޮޑަށް އަޑު އުފުއްލަވަމުން ގެންދެވިއެވެ.
މިކަން ހިނގި ގޮތް އޮޅުން ފިލުވާ ދެއްވަމުން އަމީން ޢާންމު ވިދާޅުވީ މަޖިލީހުގެ ޖަލްސާގައި ރިޔާސަތަށް ނުކިޔަމަންތެރިވެގެން ރިޔާސަތުން ނަން އިއްވެވުމުން، ޤަވާއިދުގައި ބުނާގޮތުން ޖަލްސާގެ ކުރިއަށް އޮތްބައިގައި އެ މެންބަރަކަށް ބައިވެރިވެ ވަޑައިއެއް ނުގެންނެވޭނެއެވެ.
ފަސްމިނެޓަށް މިއަދުގެ ޖަލްސާ މެދުކަނޑާލެއްވުމުގެ ކުރިން ރިޔާސަތުން ވަނީ އަހުމަދު ޝަފީޤުގެ ނަން އިއްވާ ޖަލްސާއިން ނުކުމެވަޑައިގަތުމަށް އަންގަވާފައެވެ. އެހެންކަމުން ޖަލްސާއަށް ވެދެވަޑައި ނުގަތުމަށް ސެކިއުރިޓީން ދެންނެވުމުން، ޖަލްސާ ކުރާމާލަމުގައި ދޮރުގެ ބޭރުން، ހުރަސް އަޅައިގެން ހުންނެވި ސެކިއުރިޓީ މީހާގެ އަތް ފޮޅާލައްވާ ގަދަކަމުން ޖަލްސާކުރާ މާލަމަށް ވަދެވަޑައި ގެންނެވުމަށް ޝަފީޤު މަސައްކަތްކުރެއްވި ކަމަށް އަމީން ޢާންމު ވިދާޅުވިއެވެ. މަޖިލީހުގެ ސެކިއުރިޓީން، ޝަފީޤަށް އަނިޔާ ކުރިކަމަށް ދެކެވޭ ވާހަކަވެސް އަމީން ޢާންމު ދޮގުކުރެއްވިއެވެ.
ނަމަވެސް އިއްޔެގެ ޖަލްސާދޫކޮށް ނުކުންނެވި ބައެއް މެންބަރުން ވިދާޅުވީ މަޖިލީސް ކުރާ ގޭގެ ސެކިއުރިޓީ ބަލަހަށްޓަވަން ތިއްބަވާ ހުދުކުލައިގެ ޔުނިފޯމްގައި ތިބި ސިފައިންގެ މީހުން މ. އަތޮޅު މެންބަރު އަޙުމަދު ޝަފީޤަށް އަނިޔާކޮށްފައި ވާކަމުގައެވެ. އެކަން ކުށްވެރި ކުރަވައި ބައެއް މެންބަރުން މަޖިލީސް ކުރާގޭގެ އިރުމަތީ ގޭޓް ކުރިމަތީގައި އިއްޔެ ވަނީ ނޫސްވެރިންނަށް މަޢުލޫމާތު ދެއްވައިފައެވެ.
ޖަލްސާދޫކުރައްވައިފައި ނުކުންނެވި ބައެއް މެންބަރުން މަޖިލީސް ކުރާ ގޭގެ ތެރޭގައި ޚާއްޞަ މަޖިލީހުގެ ރައީސާއި ސެކިއުރިޓީންނާ ދެކޮޅަށް ވަނީ އަޑު އުފުއްލަވާފައެވެ. އަދި މަޖިލީހުގެ ގޯތިތެރޭގައި ތިއްބަވަގެންވެސް އެމެންބަރުން ވަރަށް ބޮޑަށް އަޑު އުފުއްލަވަމުން ގެންދެވިއެވެ.
No comments:
Post a Comment