އިބުރާގެ ޕާޓީ އުފައްދަން ޖަލްސާގެ ކޯރަމް ހަމަ ނުވެގެން އަލުން ޖަލްސާއެއް ބާއްވަން ހަމަޖައްސައިފި
އެމްޑީޕީގެ ފުރަތަމަ ރައީސް މއ ބޯގަންވިލާ އިބްރާހީމް އިސްމާއީލް (އިބްރާ) ރަޖިސްޓްރީ ކުރުމަށް ހުށަހަޅާފައިވާ ސޯޝަލް ލިބަރަލް ޕާޓީ (ލިބަރަލް ޕާޓީ) އުފެއްދުމަށް ބޭއްވި ޖަލްސާގެ ކޯރަމް (ޤާނޫނީ އަދަދު) ހަމަ ނުވުމުގެ ސަބަބުން އެޖަލްސާ ކެންސަލްކޮށް އެހެން ޖަލްސާއެއް އެކަމަށް ބެއްވުމަށް ހަމަޖެހިފައިވާ ކަމުގައި އިބުރާހީމް އިސްމާއީލް (އިބުރާ) ވިދާޅުވެއްޖެ އެވެ
ޖަޒީރާ ނޫހަށް މައުލޫމާތު ދެއްވަމުން އިބުރާ ވިދާޅުވީ ޕާޓީ އުފެއްދުމަށްޓަކައި ސިޔާސީ ޕާޓީގެ ޤަވާއިދުގައިވާ ގޮތުގެ މަތިން ބާއްވަން ޖެހޭ ޖަލްސާގެ ގޮތުގައި ރޭ އިމާދުއްދީން ސްކޫލްގައި ބޭއްވި ޖަލްސާއަށް އެޤަވައިދުގައި ބުނެފައިވާ ޤާނޫނީ އަދަދަށް މީހުން ހާޒިރުވެފައި ނުވާތީ އެޖަލްސާ ކެންސަލް ކުރައްވާ އަލުން އެހެންޖަލްސާއެއް ބޭއްވުމަށް ހަމަޖައްސަވާފައިވާ ކަމަށެވެ
”އަޅުގަނޑު ބޭނުންވަނީ ކޮންމެ ކަމެއްވެސް ޤަވައިދާ އެއްގޮތަށް ގެންދަން. އަދި އާއްމުންނަށް އެކަން އެނގެންވެސް ޖެހޭނެ. ރޭގެ ޖަލްސާއަށް ހާޒިރުވީ ގަތްގަނޑަކަށް 200 އެއްހާ މީހުންނެވެ. ޤާނޫނީ އަދަދަކީ300 މީހުންނެވެ. އެހެންވީމާ އެޖަލްސާ ކެންސަލްކޮށް އަލުން ޖަލްސާއެއް ބޭއްވުމަށް މިހާރު ނިންމާފައި ވަނީ.“ އިބުރާ ވިދާޅުވިއެވެ
ރޭގެ ޖަލްސާގައި އެޕާޓީގެ މެނިފެސްޓޯއާއި, އަސާސީ ޤަވައިދާއި ޕާޓީގެ ކުލައާއި, ޕާޓީގެ ނިޝާން އަދި ޕާޓީގެ އިންތިޚާބަކާ ހަމައަށް ގެންދެވެންދެން ޕާޓިގައި އިސްކޮށް ހަރަކާތްތެރިވާނޭ 7 ބޭފުޅަކު ފާސްކުރެއްވުން އޮތެވެ
ޕާޓީ އިންތިޚާބަކާ ހަމައަށް ގެންދެވެންދެން އިސްކޮށް ހަރަކާތްތެރިވާ 7 ބޭފުޅުންގެ ގޮތުގައި ހަމަޖެއްސީ މުޅިންވެސް ޑިގްރީ ހޯލްޑަރުން ކަމަށްވާ އެމްޑީޕީގެ ކުރީގެ މެންބަރ އަދި ރައްޔިތުންގެ ޚާއްޞަ މަޖިލީހުގެ މާލޭ މެންބަރ މުހައްމަދު ނަޝީދު (ކާނަލް), އަލްއުސްތާޛް އަހުމަދު ޢަބްދުﷲ އަފީފް, އަލްއުސްތާޛް ޢަބްދުﷲ މުއިއްޒު, މުހައްމަދު އާމިރު ( ފަރެސް އާމިރު ), އަލްއުސްތާޛް މަޒްލާން ރަޝީދު, އަލްއުސްތާޛް ހަސަން ލަތީފް އަދި އިބުރާ އެވެ
އެމްޑީޕީގައި ކުރިން އުޅުއްވި ރައްޔިތުންގެ ޚާއްޞަ މަޖިލީހުގެ މާލޭ މެންބަރ މުހައްމަދު ނަޝީދު ކާނަލް ރޭގެ ޖަލްސާގައި ވާހަކަ ދެއްކެވި އެވެ
ކަނަލް ވިދާޅުވީ ސިޔާސީ ހަރަކާތަށް ނިކުތީ ފާރަވެރިވާނޭ ބައެއްގެ ގޮތުގައި ކަމަށާއި އެގޮތުން ނަގަން ޖެހުނު ބައެއް ޑިސިޝަން ތަކަކީ ލޮލުން ކަރުނަ އަޅަމުން ނެގި ޑިސިޝަން ތަކެއް ކަމަށެވެ
ކާނަލް ވިދާޅުވީ ލިބަރަލް ޕާޓީން ލިބުނު ދައުވަތު ގުޅުނީ އުއްމީދީ އާތަރިއަކަށް އެޕާޓީ ވާނޭކަމަށް ޤަބޫލުކޮށްގެން ކަމަށާއި ރާއްޖެއަށް އިސްލާހް ގެނެސް އުފާވެރި ދިރިއުޅުމެއް ހޯދައި ދިނުމަށް އެޕާޓީން ކޮއްޓަވާ މަގުގައި ފިސާރި ސާބިތު ކަމައެކު ދެމިތިބޭނޭ ކަމަށެވެ.
ރޭގެ ޖަލްސާގައި ކަނަލްގެ އިތުރުން އިބުރާވެސް ވާހަކަދެއްކެވިއެވެ
Velidhoo News
No comments:
Post a Comment