ކެމްޕޭނުގެ ޚިޔާލު ތަފާތުވުންތަކުގެ މައްޗަށް އިސްކުރަންވާނީ ޤައުމު ދެކެވާ ލޯބި: ރައީސް
1/9/2007
ކެމްޕޭނުގެ ޚިޔާލު ތަފާތުވުންތަކުގެ މައްޗަށް އަޅުގަނޑުމެން އިސްކުރަންވާނީ ޤައުމު ދެކެވާ ލޯތްބާއި އެއްރައްޔިތެއްގެ ގޮތުގައި ތިބެވޭތީ ލިބޭ ފަޚުރު ކަމުގައި ރައީސުލްޖުމްހޫރިއްޔާ އަލްއުސްތާޛު މައުމޫން ޢަބްދުލްޤައްޔޫމް ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ ދިވެހި ރާއްޖޭގެ އަޑު މެދުވެރިކުރައްވައި، ރައްޔިތުންނާ މުޚާތަބު ކުރައްވައި، ރޭ ނުވައެއް ޖެހިއިރު ދެއްކެވި ވާހަކަފުޅު ގައެވެ. އެ މަނިކުފާނުގެ ވާހަކަފުޅު ބިނާކުރެއްވީ މައިގަނޑު ހަތަރު ކަމެއްގެ މައްޗަށެވެ.
އެގޮތުން އެންމެ ފުރަތަމަ ބައްލަވައިލެއްވީ ރާއްޖޭގައި އޮންނަން ފެންނަ ވެރިކަމުގެ ނިޒާމެއް ކަނޑައެޅުމަށްޓަކައި ނެގުނު އާންމު ސިއްރު ވޯޓްގެ މައްޗަށެވެ. ރައީސުލްޖުމްހޫރިއްޔާ ވިދާޅުވީ ޢުމުރުން 18 އަހަރުންމަތީގެ ވަރަށް ގިނަ ޢަދަދެއްގެ ދިވެހިންގެ ވޯޓުން ކަނޑައެޅުއްވި ރައްޔިތުންގެ ޙުކުމަކީ، އަޅުގަނޑުމެން އެންމެން އެ ނިންމުމަށް އިޙްތިރާމްކޮށް ތަބާވާންޖެހޭ ޙުކުމެއް ކަމުގަ އެވެ. އެވޯޓުން ދައުލަތުގެ ވެރިކަން ބައްޓަން ކުރުމަށް، ރައްޔިތު އެދެނީ ރިޔާސީ ނިޒާމެއްގެ މައްޗަށް ކަމުގައި، ވަރަށް ބޮޑު އަޣުލަބިއްޔަތަކުން ދިވެހި ރައްޔިތުން ވަނީ ކަނޑައަޅުއްވައިފައިކަން ފާހަގަ ކުރެއްވި އެވެ.
"އެޙުކުމާ ހަމައަށް ވާޞިލް ވުމަށްޓަކައި ރައްޔިތުންގެ ތެރެއިން ގިނަބަޔަކު ކުރި މަސައްކަތް ތަކެއް ކުރީ އެބަޔަކު ޤަބޫލުކުރާ ގޮތުގަ، އެދެނިޒާމުން ރާއްޖެއަށް، އެންމެ ފައިދާބޮޑު ނިޒާމަކަށް ތާޢީދު ހޯދުމަށްޓަކައި،
ދިގު އުނދަގޫ އެތައް ދުވަހެއް އެތައް ހަފްތާއެއް، އެތައް މަހެއް އެމަސައްކަތުގައި ކަޑައްތުކުރި. އެމަރުޙަލާވަނީ ކަޑައްތު ކުރެވިފަ. ރައްޔިތުންގެ އަޑުވަނީ ރައްޔިތުން ވަރަށް ފާޅުކަންބޮޑު ގޮތެއްގައި އިއްވަވާފަ. އެހެންނަމަވެސް ހިތާމައަކީ ބައެއް ފަރާތްތަކުން ރައްޔިތުންގެ ޙުކުމް ޤަބޫލު ނުކުރާކަން، އަދި މިވޯޓުގައި އޮޅުވައިލުންތަކެއް އޮޅުވާލާފައިވާކަމަށް ބަޔަކު ބުނަމުން ގެންދާކަން. އަދި ޤައުމަށާއި ރައްޔިތުންނަށާއި އެކިއެކި އަމިއްލަ ފަރުދުންނަށް ގެއްލުން ދެނިވި ޢަމަލުތަކެއް، ޤައުމަށް ހެޔޮނޭދޭ ބަޔަކު ހިންގަމުން ގެންދާކަން." ރައީސުލްޖުމުހޫރިއްޔާ ވިދާޅު ވިއެވެ.
ރައީސުލް ޖުމްހޫރިއްޔާގެ ވާހަކަފުޅުގައި ވަޒީރުންގެ މަޖިލީހުން އިސްތިޢުފާ ދެއްވި ތިން ބޭފުޅުންގެ އިސްތިޢުފާގެ މައްޗަށް ބައްލަވައިލެއްވި އެވެ. އެތިން ބޭފުޅުން ވަޒީރުންގެ މަޖިލީހުން ވަކިވެވަޑައިގަތް ކަމުގައި ވިޔަސް، ޤައުމުގެ ހިންގުމަކަށް ބަދަލެއް ނާންނާނެކަމަށް އެމަނިކުފާނު ވިދާޅު ވިއެވެ. އަދި ސަރުކާރުން ފަށްޓަވައިފައިވާ ސިޔާސީ އިސްލާޙީ ޕްރޮގްރާމަށާއި ޤައުމުގެ ތަރައްޤީގެ ދުވެއްޔަށްވެސް ހުއްޓުމެއް ނާންނާނެ ކަމަށް ވިދާޅު ވިއެވެ.
ރާއްޖޭގެ އަގު ބޭރު ދުނިޔޭގެ ކުރިމަތީގައި ވައްޓައިލުމަށް ބައެއް ފަރާތްތަކުން ކުރަމުންދާ މަސައްކަތްތަކަށް ސަމާލުވާން ޖެހޭކަމަށްވެސް ރައީސުލްޖުމްހޫރިއްޔާ، ރައްޔިތުންނާ މުޚާތަބު ކުރައްވައި ރޭ ދެއްކެވި ވާހަކަފުޅުގައި ވިދާޅު ވިއެވެ. ރާއްޖެއަކީ ހަރުކަށި ޢަމަލުތަކަށް ހިތްވަރުދޭ ޤައުމެއްކަމަށް ބުނެ ބޭރުގެ ޚަބަރުފަތުރާ ބައެއް ވަޞީލަތްތަކުން މިދޭތެރެއިން ފެތުރި ޚަބަރަކީވެސް ކަނޑައެޅިގެން ދޮގު ޚަބަރެއް ކަމުގައި ރައީސުލްޖުމްހޫރިއްޔާގެ ވާހަކަފުޅުގައި ވިދާޅު ވިއެވެ.
ކުޑަކުދިންގެ އަބުރާއި ޢިއްފަތާއި ޤަދަރާއި ކަރާމާތަށް އުނިކަން އަންނަ ޒާތްޒާތުގެ ގޯނާތައް އެކި މަޤްޞަދުގައި ކުރަމުން ގެންދާކަން ފާހަގަ ކުރައްވައި، އެކަމަށް ޤައުމީ ފެންވަރުގައި ޙައްލެއް ހޯދަން ޖެހޭ ކަމަށްވެސް ރައީސުލްޖުމްހޫރިއްޔާގެ ވާހަކަ ފުޅުގައި ފާހަގަ ކުރެއްވި އެވެ.
ރައްޔިތުންނާ މުޚާތަބު ކުރައްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި މުޖްތަމަޢުގެ އަފުރާދުންނަށް ބިރާއި ހާސްކަން ކުރިމަތިވެދާ ފަދަ ޢަމަލުތައް ބަޔަކު ހިންގަމުން ގެންދާތީ އެކަމުގެ މައްޗަށްވެސް ބައްލަވައިލެއްވިއެވެ. މިފަދަ ޢަމަލުތަކަކީ ވަރަށް ހިތާމަހުރި އަދި ހުއްޓަވަންޖެހޭ ކަމެއްކަމަށް ރައީސުލްޖުމްހޫރިއްޔާ ވިދާޅު ވިއެވެ.
އެމަނިކުފާނު މިހެން ވިދާޅުވީ ދިވެހި ރާއްޖޭގެ އަޑު މެދުވެރިކުރައްވައި، ރައްޔިތުންނާ މުޚާތަބު ކުރައްވައި، ރޭ ނުވައެއް ޖެހިއިރު ދެއްކެވި ވާހަކަފުޅު ގައެވެ. އެ މަނިކުފާނުގެ ވާހަކަފުޅު ބިނާކުރެއްވީ މައިގަނޑު ހަތަރު ކަމެއްގެ މައްޗަށެވެ.
އެގޮތުން އެންމެ ފުރަތަމަ ބައްލަވައިލެއްވީ ރާއްޖޭގައި އޮންނަން ފެންނަ ވެރިކަމުގެ ނިޒާމެއް ކަނޑައެޅުމަށްޓަކައި ނެގުނު އާންމު ސިއްރު ވޯޓްގެ މައްޗަށެވެ. ރައީސުލްޖުމްހޫރިއްޔާ ވިދާޅުވީ ޢުމުރުން 18 އަހަރުންމަތީގެ ވަރަށް ގިނަ ޢަދަދެއްގެ ދިވެހިންގެ ވޯޓުން ކަނޑައެޅުއްވި ރައްޔިތުންގެ ޙުކުމަކީ، އަޅުގަނޑުމެން އެންމެން އެ ނިންމުމަށް އިޙްތިރާމްކޮށް ތަބާވާންޖެހޭ ޙުކުމެއް ކަމުގަ އެވެ. އެވޯޓުން ދައުލަތުގެ ވެރިކަން ބައްޓަން ކުރުމަށް، ރައްޔިތު އެދެނީ ރިޔާސީ ނިޒާމެއްގެ މައްޗަށް ކަމުގައި، ވަރަށް ބޮޑު އަޣުލަބިއްޔަތަކުން ދިވެހި ރައްޔިތުން ވަނީ ކަނޑައަޅުއްވައިފައިކަން ފާހަގަ ކުރެއްވި އެވެ.
"އެޙުކުމާ ހަމައަށް ވާޞިލް ވުމަށްޓަކައި ރައްޔިތުންގެ ތެރެއިން ގިނަބަޔަކު ކުރި މަސައްކަތް ތަކެއް ކުރީ އެބަޔަކު ޤަބޫލުކުރާ ގޮތުގަ، އެދެނިޒާމުން ރާއްޖެއަށް، އެންމެ ފައިދާބޮޑު ނިޒާމަކަށް ތާޢީދު ހޯދުމަށްޓަކައި،
ދިގު އުނދަގޫ އެތައް ދުވަހެއް އެތައް ހަފްތާއެއް، އެތައް މަހެއް އެމަސައްކަތުގައި ކަޑައްތުކުރި. އެމަރުޙަލާވަނީ ކަޑައްތު ކުރެވިފަ. ރައްޔިތުންގެ އަޑުވަނީ ރައްޔިތުން ވަރަށް ފާޅުކަންބޮޑު ގޮތެއްގައި އިއްވަވާފަ. އެހެންނަމަވެސް ހިތާމައަކީ ބައެއް ފަރާތްތަކުން ރައްޔިތުންގެ ޙުކުމް ޤަބޫލު ނުކުރާކަން، އަދި މިވޯޓުގައި އޮޅުވައިލުންތަކެއް އޮޅުވާލާފައިވާކަމަށް ބަޔަކު ބުނަމުން ގެންދާކަން. އަދި ޤައުމަށާއި ރައްޔިތުންނަށާއި އެކިއެކި އަމިއްލަ ފަރުދުންނަށް ގެއްލުން ދެނިވި ޢަމަލުތަކެއް، ޤައުމަށް ހެޔޮނޭދޭ ބަޔަކު ހިންގަމުން ގެންދާކަން." ރައީސުލްޖުމުހޫރިއްޔާ ވިދާޅު ވިއެވެ.
ރައީސުލް ޖުމްހޫރިއްޔާގެ ވާހަކަފުޅުގައި ވަޒީރުންގެ މަޖިލީހުން އިސްތިޢުފާ ދެއްވި ތިން ބޭފުޅުންގެ އިސްތިޢުފާގެ މައްޗަށް ބައްލަވައިލެއްވި އެވެ. އެތިން ބޭފުޅުން ވަޒީރުންގެ މަޖިލީހުން ވަކިވެވަޑައިގަތް ކަމުގައި ވިޔަސް، ޤައުމުގެ ހިންގުމަކަށް ބަދަލެއް ނާންނާނެކަމަށް އެމަނިކުފާނު ވިދާޅު ވިއެވެ. އަދި ސަރުކާރުން ފަށްޓަވައިފައިވާ ސިޔާސީ އިސްލާޙީ ޕްރޮގްރާމަށާއި ޤައުމުގެ ތަރައްޤީގެ ދުވެއްޔަށްވެސް ހުއްޓުމެއް ނާންނާނެ ކަމަށް ވިދާޅު ވިއެވެ.
ރާއްޖޭގެ އަގު ބޭރު ދުނިޔޭގެ ކުރިމަތީގައި ވައްޓައިލުމަށް ބައެއް ފަރާތްތަކުން ކުރަމުންދާ މަސައްކަތްތަކަށް ސަމާލުވާން ޖެހޭކަމަށްވެސް ރައީސުލްޖުމްހޫރިއްޔާ، ރައްޔިތުންނާ މުޚާތަބު ކުރައްވައި ރޭ ދެއްކެވި ވާހަކަފުޅުގައި ވިދާޅު ވިއެވެ. ރާއްޖެއަކީ ހަރުކަށި ޢަމަލުތަކަށް ހިތްވަރުދޭ ޤައުމެއްކަމަށް ބުނެ ބޭރުގެ ޚަބަރުފަތުރާ ބައެއް ވަޞީލަތްތަކުން މިދޭތެރެއިން ފެތުރި ޚަބަރަކީވެސް ކަނޑައެޅިގެން ދޮގު ޚަބަރެއް ކަމުގައި ރައީސުލްޖުމްހޫރިއްޔާގެ ވާހަކަފުޅުގައި ވިދާޅު ވިއެވެ.
ކުޑަކުދިންގެ އަބުރާއި ޢިއްފަތާއި ޤަދަރާއި ކަރާމާތަށް އުނިކަން އަންނަ ޒާތްޒާތުގެ ގޯނާތައް އެކި މަޤްޞަދުގައި ކުރަމުން ގެންދާކަން ފާހަގަ ކުރައްވައި، އެކަމަށް ޤައުމީ ފެންވަރުގައި ޙައްލެއް ހޯދަން ޖެހޭ ކަމަށްވެސް ރައީސުލްޖުމްހޫރިއްޔާގެ ވާހަކަ ފުޅުގައި ފާހަގަ ކުރެއްވި އެވެ.
ރައްޔިތުންނާ މުޚާތަބު ކުރައްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި މުޖްތަމަޢުގެ އަފުރާދުންނަށް ބިރާއި ހާސްކަން ކުރިމަތިވެދާ ފަދަ ޢަމަލުތައް ބަޔަކު ހިންގަމުން ގެންދާތީ އެކަމުގެ މައްޗަށްވެސް ބައްލަވައިލެއްވިއެވެ. މިފަދަ ޢަމަލުތަކަކީ ވަރަށް ހިތާމަހުރި އަދި ހުއްޓަވަންޖެހޭ ކަމެއްކަމަށް ރައީސުލްޖުމްހޫރިއްޔާ ވިދާޅު ވިއެވެ.
No comments:
Post a Comment