އަންހެން ކުއްޖެއް އޮރިޔާންކޮށް ވީޑިއޯ އާއި ފޮޓޯނެގި މައްސަލާގައި ހަތަރު މީހަކު ހައްޔަރުކޮށް މައްސަލަ އެޓާނީ ޖެނެރަލް އޮފީހަށް ފޮނުވަނީ
އާއިލާއަށް ފިލައިގެން ވިލިމާލެއަށް ގޮސް އުޅުނު އަންހެންކުއްޖެއް އޮރިޔާންކޮށްގެން ވީޑިޔޯ އާ ފޮޓޯ ނެގި މައްސަލާގައި ހަތަރު މީހަކު ފުލުހުންގެ ބެލުމުގެ ދަށަށް ގެނެވި, ތަހުގީގުކޮށް ވަރަށް އަވަހަށް މައްސަލަ އެޓަރނީ ޖެނެރަލް އޮފީހަށް ފޮނުވާނެ ކަމަށް މޯލްޑިވްސް ޕޮލިސް ސާރވިސް އިން ބުނެފި އެވެ
ފުލުހުން ބުނީ މިމައްސަލާގައި ފުރަތަމަ ފުލުހުންގެ ބެލުމުގެ ދަށަށް ގެނެވިފައިވަނީ ތިންމީހެއް ކަމަށާއި އެހެން ނަމަވެސް މައްސަލައިގެ ވަކި ހިސާބަކުން އިތުރު މީހަކު ފުލުހުންގެ ބެލުމުގެ ދަށަށް ގެނެވުނު ކަމަށެވެ
މި ހާދިސާ ހިނގައިފައި ވަނީ އޭނާ ވިލިމާލޭ ގެއެއްގައި އުޅެނިކޮށް މިދިޔަ މަހު 1 ވަނަ ދުވަހު ހަވީރު 5:30 ހާއިރު ގަދަކަމުން ގެންގޮސް, ބަރަހަނާކޮށް, ގަހެއްގެ އޮފިގަނޑެއްގައި ދެ އަތް މައްޗަށް ނަގައި އެލުވައިފައި ބަންދައިގެންނެވެ
މިއަންހެން ކުއްޖާއަކީ އަމީނިއްޔާ ގުރޭޑް 9 ގައި ތައުލީމް ހާސިލް ކުރަމުންދާ ކުއްޖެއް ކަމަށް ފުލުހުން މައުލޫމާތު ދެއެވެ
މިހާދިސާގެ ވީޑިއޯ ކްލިޕްތައް މިހާރު ވަނީ މުޅިން އާއްމުވެފަ އެވެ. އެވީޑިއޯ ދުށް މީހަކު ބުނީ ވީޑިއޯ އިން ފެންނަނީ އޮރިޔާންކޮށް ކަޅު ފޮތިގަނޑަކުން ދެއަތް ބަދެ އެކުއްޖާ ގަހުގައި އެލުވައިފައި އިން ތަން ކަމަށެވެ. އަދި އޭނާ ދޫކޮށްލުމަށް ގިސްލާ ރޮއި އާދޭސްކުރާތަންވެސް ފެންނަ ކަމަށެވެ. އަދި އެ ތަނުގައި ހަރަކާތްތެރިވި ދެ މީހެއްގެ ގުނަވަންތައް އެވީޑިއޯ އިން ފެންނަ ކަމަށާއި ވީޑިއޯ ނަގައިފައި ވަނީ ތިން ވަނަ މީހެއްކަން އެނގޭ ކަމަށް ވެސް އޭނާ ބުންޏެވެ. އަދި އެ މީހުންގެ މޯބައިލް ފޯނުން ވީޑިއޯކޮށްފައިވާ މަންޒަރުތައް ކުއްޖާއަށް ދައްކަމުންދިޔަ ކަމަށާއި އެ މީހުން އިންޒާރު ދެމުން ދިޔައީ ރުއިން ހުއްޓާލުމަށާއި ރޯނަމަ އިތުރަށް އަހުވަދައްކާނެ ކަމަށެވެ
މިމައްސަލައާ ގުޅިގެން ޖެންޑަރ މިނިސްޓްރީން ބުނީ އެމިނިސްޓްރީން ހުށަހެޅޭ އެއްވެސް މައްސަލައަކާ ބެހޭ މައުލޫމާތެއް އެމިނިސްޓްރީން ދޭ ގޮތަށް ހަމަޖެހިފައި ނުވާ ކަމަށެވެ
Velidhoo News
Report: Soodh
velidhoocommunity@gmail.com
No comments:
Post a Comment