ކުޅުދުއްފުށީގައި މަރާލި ބަންގްލަދޭޝް މީހާ ބަންގާޅަށް ގެންގޮސް ދިނުމަށާއި މަރުގެ ދިޔަ ދިނުމަށް އާއިލާއިން އެދެފި
ހދ.ކުޅުދުއްފުށީގައި ކުރިމަތި ފަރާތްބުރިކޮށް އެތައް އަނިޔާތަކެއް ކުރުމަށްފަހު މަރާލާފައި ވަނިކޮށް ފެނުނު ބަންގްލަދޭޝް މީހާ ވަޅުލުމަށް ބަންގްލަދޭޝްއަށް ފޮނުވައިދިނުމަށާއި އަދި އެމީހާގެ މަރުގެ ބަދަލުގައި މަރުގެ ދިޔަ ދިނުމަށް އައިލާއިން އެދިފައިވާކަމަށް ބަންގްލަދޭޝް ހައިކޮމިޝަނުން ބުނެފި އެވެ
ބަންގްލަދޭޝް ހައިކޮމިޝަނުން މިއަދު ބުނީ ކުޅުދުއްފުށީގައި މަރާލާފައިވާ މޯގަލް ހުސައިންގެ އާއިލާއިން އޭނާގެ ޕޯސްޓް މޯޓަމް ހެދުމަށް އެދިފައިނުވާ ކަމަށާއި އެހެންނަމަވެސް އޭނާގެ ހަށިގަނޑު ބަންގްލަދޭޝްއަށް ގެނެސް އާއިލާއާ ހަވާލުކޮށްދިނުމަށާއި އަދި މަރުވެފައިވާ ބަންގްލަދޭޝް މީހާގެ މަރުގެ ބަދަލުގައި އާއިލާއަށް ފައިސާގެ އެހީއެއް ދިނުމަށް އެދިފައިވާ ކަމަށެވެ
” އަޅުގަނޑުމެން މިހާރު މިދަނީ މަރުވެފައިވާ މީހާ ލައްވާ މަސައްކަތް ކުރުވި މީހާ އާއި ގުޅައިގެން އާއިލާއިން އެދިފައިވާ ގޮތުގެ މަތިން ފައިނޭންޝިއަލް އެހީއެއް ވެދިނުމަށް މަސައްކަތް ކުރަމުން“ ބަންގްލަދޭޝް ހައިކޮމިޝަނަރ މީޒާނުލް ޚައިރު މިއަދު ވިދާޅުވި އެވެ
ބަންގްލަދޭޝް ހައިކޮމިޝަނުން ބުނީ މިކަންތައްތައް ކޮށްދިނުމަށް ދިވެހި ސަރުކާރުގައިވެސް އެދިފައިވާނެ ކަމަށެވެ
ބަންގްލަދޭޝް މީހާގެ މަރުގެ މައްސަލާގައި އޭނާ މަރާލިކަމަށް ބަންގްލަދޭޝް އެހެން މީހަކު އެއްބަސްވެފައިވާ ކަމަށް ފުލުހުން ބުނެއެވެ. ފުލުސް އޮފީހުގެ ވެބްސައިޓުގައިވާ ގޮތުން ކުޅުދުއްފުށީ ކޮޑި ފިހާރައިގައި މަސައްކަތްކޮށް އަދި އެ ފިހާރަ ހުންނަ މޫނީމަންޒިލްގައި ދިރިއުޅޭ މޯގަލް ހުސެއިން, 28, އާއި ޝަފީގުލް އިސްލާމް, 45 އޭނާއާ ހަމަލަދީ މަރާލާފައިވާ ކަމަށް ތަހުގީގުގައި ވަނީ އެއްބަސްވެފަ އެވެ. އަދި އެދެމީހުންގެ ދެމެދުގައި އެއް ޖިންސުން ގުޅުން ހިންގައިފައިވާ ކަމަށް ވެސް ފުލުހުން މިހާރު ހައްޔަރުކޮށްފައިވާ ޝަފީގު އެއްބަސްވެފައިވާ ކަމަށް ފުލުހުން ބުނެއެވެ
ބަންގްލަދޭޝް މީހުންނަށް ރާއްޖޭގައި އަނިޔާކުރަމުންދާކަމަށް ބުނެ ބައެއް ބަންގްލަދޭޝް މީހުން މުޒާހަރާއެއް ކުރުމަށްވެސް އިއްޔެ މަސައްކަތްކޮށްފައި ވެއެވެ
Report: Soodh
Velidhoo News
velidhoocommunity@gmail.com
No comments:
Post a Comment