ހޮޅުދޫގައި ޑީއާރުޕީން ބޭއްވި ބައްދަލުވުން ރައްޔިތުން ނުކުމެ ހުއްޓުވާލައިފި
އަބްދު ﷲ ފާއިޤު
ނ ހޮޅުދޫގައި ދިވެހިރައްޔިތުންގެ ޕާޓީ (ޑީއާރުޕީ) ގެ ފަރާތުން ރިޔާސީ ނިޒާމް ޕްރޮމޯޓުކުރުމަށް ރޭ ބޭއްވި ބައްދަލުވުން އެރަށު ރައްޔިތުން ނިކުމެ ހުއްޓުވާލައިފި އެވެ
ރޭ 8.30 އެހާއިރު ހޮޅުދޫ މޭނާ ސުކޫލްގައި އޮތް މިޖަލްސާ ހުއްޓުލާފައިވަނީ ޖަލްސާފެށިތާ މާގިނައިރުތަކެއް ނުވަނީސްކަމަށް ޖަޒީރާއަށް މައުލޫމާތު ލިބިފައިވެ އެވެ. މިބައްދަލުވުމުގައި ބައިވެރިވުމަށްޓަކައި ސަރުކާރުގެ ބައެއް ވަޒީރުންނާއި މަޖިލީހުގެ ބައެއް މެންބަރުންވެސް ހޮޅުދޫއަށް ވަޑައިގެންނެވި ކަމަށް ވެއެވެ. އޭގެ ތެރޭގައި އެނާރޖި މިނިސްޓަރު އަހުމަދު އަބްދުﷲ އާއި ޓޫރިޒަމް މިނިސްޓަރު ޑރ.މަހުމޫދު ޝައުޤީ އާއި ރައްޔިތުންގެ ޚާއްސަ މަޖިލީހުގެ ނ އަތޮޅު މެންބަރު އަލީ މުހައްމަދުގެ އިތުރުން ރައީސް ޖުމްހޫރިއްޔާގެ މެންބަރު އައިޝަތު އާޒިމާ ޝުކޫރު ހިމެނިވަޑައިގެން ނަވައެވެ
ރައްޔިތުންގެ ތެރޭން ބަޔަކު ނުކުމެ ޖަލްސާ ހުއްޓުވާލާފައި ވަނީ ސުކޫލްގައި ޖަލްސާ ބޭއްވުމުން އެކަމާއި ހިތްހަމަ ނުޖެހިގެންކަމަށް ވެއެވެ
” އަސްލު މައްސަލައަކަށްވީ މިކަހަލަ ކަމެއް ސުކޫލުގައި ބޭއްވީމާ“ ހޮޅުދޫ ރައްޔިތަކު ބުންޏެވެ. ރައްޔިތުން ނުކުމެ ޖަލްސާ ހުއްޓާލުމާ ގުޅިގެން ޖަލްސާ ބޭއްވޭގޮތްވަނީ ނުވެފަ އެވެ. މިކަމާ ގުޅިގެން ޑީ އާރު ޕީ ގެ ހޮޅުދޫ ގޮފީގެ ފަރާތުން މައުލޫމާތު ހޯދުމަށް ކުރިމަސައްކަތް ވަނީ ކަމިޔާބު ނުވެފައެވެ
ޑީއާރުޕީ ގެ ފަރާތުން ހއ ކެލާގައި ބައްދަލުވުމެއް ބޭއްވުމަށް އެރަށަށް ޑީ އާރު ޕީ ގެ ވަފުދެއް ދިއުމާ ގުޅިގެން އެރަށުގައި ކޮންމެވެސް ވަރެއްގައި
ހަމަނުޖެހުމެއް ހިނގާފައިވާކަމަށް ޖަޒީރާއަށް މައުލޫމާތު ލިބިފައިވެއެވެ
Report: Velidhoo Community
No comments:
Post a Comment