މަޤާމުން އިސްތިޢުފާ ނުދެއްވާނެކަމުގެ ޔަޤީންކަން ރާއްޖޭގެ ޚާރިޖީ ވަޒީރު ދެއްވައިފި
 | |
ރާއްޖޭގެ ޚާރިޖީ ވަޒީރު ޑޮކްޓަރ އަޙްމަދު ޝަހީދު. |
17/8/2007
މަޤާމުން އިސްތިޢުފާ ނުދެއްވާނެކަމުގެ ޔަޤީންކަން ރާއްޖޭގެ ޚާރިޖީ ވަޒީރު ޑރ. އަޙްމަދު ޝަހީދު ދެއްވައިފި އެވެ.
ޑޮކްޓަރ ޝަހީދު ވަނީ އެމަނިކުފާނު އިސްތިޢުފާ ދެއްވިކަމަށް ދެކެވޭ ވާހަކަ ދޮގުކުރައްވައި ފައެވެ.
ޚާރިޖީ ވަޒީރު ޑޮކްޓަރ ޝަހީދު ވިދާޅުވީ އެމަނިކުފާނު އިއްޔެ ރައީސުލްޖުމްހޫރިއްޔާއަށް ސިޓީފުޅެއް ފޮނުއްވައި ބައްދަލުކޮށްލެއްވި ކަމުގަ އެވެ. އެސިޓީފުޅުގައި ދަންނަވައިފައިވާނީ، ރާއްޖޭގެ ޙާލަތު އޮތްގޮތް ކަމުގަ އެވެ. އިސްތިއުފާގެ ވާހަކަ ލިޔުމުންވެސް އަދި އަނގަބަހުން ދަންނަވައިފައި ނުވާނެ ކަމުގައި ޑޮކްޓަރ ޝަހީދު ވިދާޅު ވިއެވެ.
"އަޅުގަނޑު އެމަނިކުފާނަށް ދެންނެވިން، ސުނާމީއަށްފަހު ރާއްޖެއަށް ބޭނުންވި ހުރިހާ އެހީ ލިބޭގޮތްވަނީ ފަހިވެފައޭ. އަޅުގަނޑު ދެންނެވިން އިސްލާޙީ އެޖެންޑާ ދުނިޔެ ޤަބޫލުކުރާކަމަށް، އުތުރުކަރަޔާއި އިނގިރޭސި ވިލާތާ، އީ.ޔޫ އިން އެމަނިކުފާނަށް އޮންނަ ތާއީދު އެތައް ގުނައަކަށް އިތުރު ވެފައިވާ ކަމަށް. އަދިހަމަ ޚާރިޖިއްޔާއަށް ވަރަށް ބޮޑެތި ބަދަލުތަކެއް އައިސްފައިވާ ކަމަށް. ސަރުކާރުގެ އަޑު ދުނިޔޭގެ މުހިންމު ހިސާބު ތަކުގައި އުފުލުމުގެ ޤާބިލްކަން ވަރަށް ހަރުދަނާ ގޮތެއްގައި ހަމަޖެހިފައިވާ ކަމަށް." ރޭ ކަލާފާނު ސްކޫލުގައި ބޭއްވި ދިވެހި ރައްޔިތުންގެ ޕާޓީ (ޑީ.އާރު.ޕީ) ގެ ބައްދަލުވުމުގައި ޑޮކްޓަރ ޝަހީދު ވިދާޅު ވިއެވެ.
ރައީސުލްޖުމްހޫރިއްޔާއަށް ޑޮކްޓަރ ޝަހީދު ފޮނުއްވި ސިޓީފުޅުގައި އެމަނިކުފާނަށް ޒާތީ ގޮތުން ފިއްތުންތައް އަންނާތީ ކަންބޮޑުވެ ވަޑައިގަންނަވާ ކަމަށް ދެންނެވި ކަމަށް ވިދާޅު ވިއެވެ. "އަޅުގަޑު ދެންނެވިން އަޅުގަނޑު ނެތީމޭ، އެމަނިކުފާނުގެ އިސްލާޙީ އެޖެންޑާއަށް ހުރަހަކަށް ވާކަށެއް. އެމަނިކުފާނާއި ޕާޓީއަށް އެއްވެސް ކަހަލަ އުނިކަމެއް އަންނަ މީހަކަށް ވާކަށެއް. އެހެންކަމުން އެމަނިކުފާނު ބޭނުންފުޅު ކޮންމެ ޤުރުބާނީއެއްވެސް ވާން ހުރިކަމަށް" ޑޮކްޓަރ ޝަހީދު ވިދާޅު ވިއެވެ.
ރޭ ބޭއްވި ބައްދަލުވުގައި ޑީ.އާރު.ޕީ ގެ ޒައީމް އަދި ރައީސުލްޖުމްހޫރިއްޔާ އަލްއުސްތާޛު މައުމޫނު އަބްދުލް ޤައްޔޫމު ވިދާޅުވީ، ޑޮކްޓަރ ޝަހީދު އަދިވެސް ހުންނެވީ ރާއްޖޭގެ ޚާރިޖީ ވަޒީރު ކަމުގަ އެވެ. ޚާރިޖީ ވަޒީރުގެ ޙައިސިއްޔަތުން ޑޮކްޓަރ ޝަހީދު ކުރައްވަމުން ގެންދަވާ މަސައްކަތްޕުޅު އެމަނކުފާނު ފާހަގަ ކުރެއްވި އެވެ. ޑޮކްޓަރ ޝަހީދު އިސްތިޢުފާ ދެއްވި ކަމަށް ފެތުރެމުންދާ ވާހަކަ ސަރުކާރުގެ އިސްތަރުޖަމާނު މުޙައްމަދު ޙުސައިން ޝަރީފުވެސް އިއްޔެ ހަވީރު ވަނީ ދޮގުކުރައްވައި ފައެވެ.
ޑޮކްޓަރ ޝަހީދުގެ އިތުބާރު ނެތްކަމުގެ މައްސަލައެއް މިހާރު ވަނީ ރައްޔިތުންގެ މަޖިލީހަށް ހުށަހަޅައި ފައެވެ. ދިހަ މެންބަރުންގެ ތާއީދާއެކު މަޖިލީހަށް ހުށަހެޅުނު މިމައްސަލަ އެޖެންޑާ ކުރައްވައިފައިވަނީ މިމަހު 22 ވަނަ ދުވަހު އޮންނަ ރައްޔިތުންގެ މަޖިލީހުގެ ޖަލްސާ އަށެވެ. އިތުބާރު ނެތްކަމުގެ މައްސަލަ މަޖިލީހުން ފާސްނުވާނެކަމަށް ޑޮކްޓަރ ޝަހީދު ވަނީ ވިދާޅު ވެފަ އެވެ.
Report: Velidhoo Community
ޑޮކްޓަރ ޝަހީދު ވަނީ އެމަނިކުފާނު އިސްތިޢުފާ ދެއްވިކަމަށް ދެކެވޭ ވާހަކަ ދޮގުކުރައްވައި ފައެވެ.
ޚާރިޖީ ވަޒީރު ޑޮކްޓަރ ޝަހީދު ވިދާޅުވީ އެމަނިކުފާނު އިއްޔެ ރައީސުލްޖުމްހޫރިއްޔާއަށް ސިޓީފުޅެއް ފޮނުއްވައި ބައްދަލުކޮށްލެއްވި ކަމުގަ އެވެ. އެސިޓީފުޅުގައި ދަންނަވައިފައިވާނީ، ރާއްޖޭގެ ޙާލަތު އޮތްގޮތް ކަމުގަ އެވެ. އިސްތިއުފާގެ ވާހަކަ ލިޔުމުންވެސް އަދި އަނގަބަހުން ދަންނަވައިފައި ނުވާނެ ކަމުގައި ޑޮކްޓަރ ޝަހީދު ވިދާޅު ވިއެވެ.
"އަޅުގަނޑު އެމަނިކުފާނަށް ދެންނެވިން، ސުނާމީއަށްފަހު ރާއްޖެއަށް ބޭނުންވި ހުރިހާ އެހީ ލިބޭގޮތްވަނީ ފަހިވެފައޭ. އަޅުގަނޑު ދެންނެވިން އިސްލާޙީ އެޖެންޑާ ދުނިޔެ ޤަބޫލުކުރާކަމަށް، އުތުރުކަރަޔާއި އިނގިރޭސި ވިލާތާ، އީ.ޔޫ އިން އެމަނިކުފާނަށް އޮންނަ ތާއީދު އެތައް ގުނައަކަށް އިތުރު ވެފައިވާ ކަމަށް. އަދިހަމަ ޚާރިޖިއްޔާއަށް ވަރަށް ބޮޑެތި ބަދަލުތަކެއް އައިސްފައިވާ ކަމަށް. ސަރުކާރުގެ އަޑު ދުނިޔޭގެ މުހިންމު ހިސާބު ތަކުގައި އުފުލުމުގެ ޤާބިލްކަން ވަރަށް ހަރުދަނާ ގޮތެއްގައި ހަމަޖެހިފައިވާ ކަމަށް." ރޭ ކަލާފާނު ސްކޫލުގައި ބޭއްވި ދިވެހި ރައްޔިތުންގެ ޕާޓީ (ޑީ.އާރު.ޕީ) ގެ ބައްދަލުވުމުގައި ޑޮކްޓަރ ޝަހީދު ވިދާޅު ވިއެވެ.
ރައީސުލްޖުމްހޫރިއްޔާއަށް ޑޮކްޓަރ ޝަހީދު ފޮނުއްވި ސިޓީފުޅުގައި އެމަނިކުފާނަށް ޒާތީ ގޮތުން ފިއްތުންތައް އަންނާތީ ކަންބޮޑުވެ ވަޑައިގަންނަވާ ކަމަށް ދެންނެވި ކަމަށް ވިދާޅު ވިއެވެ. "އަޅުގަޑު ދެންނެވިން އަޅުގަނޑު ނެތީމޭ، އެމަނިކުފާނުގެ އިސްލާޙީ އެޖެންޑާއަށް ހުރަހަކަށް ވާކަށެއް. އެމަނިކުފާނާއި ޕާޓީއަށް އެއްވެސް ކަހަލަ އުނިކަމެއް އަންނަ މީހަކަށް ވާކަށެއް. އެހެންކަމުން އެމަނިކުފާނު ބޭނުންފުޅު ކޮންމެ ޤުރުބާނީއެއްވެސް ވާން ހުރިކަމަށް" ޑޮކްޓަރ ޝަހީދު ވިދާޅު ވިއެވެ.
ރޭ ބޭއްވި ބައްދަލުވުގައި ޑީ.އާރު.ޕީ ގެ ޒައީމް އަދި ރައީސުލްޖުމްހޫރިއްޔާ އަލްއުސްތާޛު މައުމޫނު އަބްދުލް ޤައްޔޫމު ވިދާޅުވީ، ޑޮކްޓަރ ޝަހީދު އަދިވެސް ހުންނެވީ ރާއްޖޭގެ ޚާރިޖީ ވަޒީރު ކަމުގަ އެވެ. ޚާރިޖީ ވަޒީރުގެ ޙައިސިއްޔަތުން ޑޮކްޓަރ ޝަހީދު ކުރައްވަމުން ގެންދަވާ މަސައްކަތްޕުޅު އެމަނކުފާނު ފާހަގަ ކުރެއްވި އެވެ. ޑޮކްޓަރ ޝަހީދު އިސްތިޢުފާ ދެއްވި ކަމަށް ފެތުރެމުންދާ ވާހަކަ ސަރުކާރުގެ އިސްތަރުޖަމާނު މުޙައްމަދު ޙުސައިން ޝަރީފުވެސް އިއްޔެ ހަވީރު ވަނީ ދޮގުކުރައްވައި ފައެވެ.
ޑޮކްޓަރ ޝަހީދުގެ އިތުބާރު ނެތްކަމުގެ މައްސަލައެއް މިހާރު ވަނީ ރައްޔިތުންގެ މަޖިލީހަށް ހުށަހަޅައި ފައެވެ. ދިހަ މެންބަރުންގެ ތާއީދާއެކު މަޖިލީހަށް ހުށަހެޅުނު މިމައްސަލަ އެޖެންޑާ ކުރައްވައިފައިވަނީ މިމަހު 22 ވަނަ ދުވަހު އޮންނަ ރައްޔިތުންގެ މަޖިލީހުގެ ޖަލްސާ އަށެވެ. އިތުބާރު ނެތްކަމުގެ މައްސަލަ މަޖިލީހުން ފާސްނުވާނެކަމަށް ޑޮކްޓަރ ޝަހީދު ވަނީ ވިދާޅު ވެފަ އެވެ.
Report: Velidhoo Community
No comments:
Post a Comment