ބަރުލަމާނީ ނިޒާމު ގެނައުމަކީ ހޫނު ތަވައެއްގެމަތީގައިއޮތް އެއްޗަކަށް ހޫނުވާތީ އެއެއްޗެއް އުނދުންތެރެއަށް ވައްޓައިލުން ފަދަ ކަމެއް
17/8/2007
ބަރުލަމާނީ ނިޒާމު ގެނައުމަކީ، ހޫނު ތަވައެއްގެ މަތީގައި އޮތްއެއްޗަކަށް ހޫނުވާތީ އެއެއްޗެއް އުނދުނު ތެރެއަށް ވައްޓައިލުން ފަދަ ކަމެއް ކަމުގައި ދިވެހި ރައްޔިތުންގެ ޕާޓީގެ މެމްބަރު މުޙައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ، ޓެލެވިޜަން މޯލްޑިވްސް އާއި ދިވެހި ރާއްޖޭގެ އަޑު މެދުވެރި ކުރައްވައި ގެނެސްދެމުން ގެންދަވާ "ދިވެހިންގެ ނިންމުން 2007" ގެ ފަހު ޙަރަކާތެއްގެ ގޮތުން ބޭއްވި ބަޙުސެއް ގައެވެ.
ރިޔާސީ ނިޒާމަށް ތާއީދު ކުރައްވައި ބަޙުސް ކުރެއްވީ، ޑީ.އާރު.ޕީ ގެ ދެމެންބަރުން ކަމަށްވާ އަލްއުސްތާޛް މުޙައްމަދު ނަޝީދާއި ޙުސައިން މުޙައްމަދެވެ. ބަރުލަމާނީ ނިޒާމަށް ބަޙުސް ކުރެއްވީ އަލްއުސްތާޛް އަޙްމަދު ޙަމްޒާ އާއި މުޙައްމަދު ނާޝިދެވެ. ޓީ.ވީ މޯލްޑިވްސްއިން ވަގުތުން ދުރަށް ފޮނުއްވަމުން ދިޔަ މިބަޙުސްގައި ބަރުލަމާނީ ނިޒާމަށް ތާއީދު ކުރައްވާ ވާހަކަފުޅުދެއްކެވި ބޭފުޅުން، މިހާރު ރާއްޖޭގައި މިއޮތް ވެރިކަމުގެ ނިޒާމަކީ ރިޔާސީ ނިޒާމު ކަމުގައި ވިދާޅު ވިއެވެ. އަދި މިހާރުގެ ސަރުކާރުގެ ބައެއް ދާއިރާ ތަކަށާއި ކަންކަމަށް ފާޑު ވިދާޅުވަމުން އެއީ ރިޔާސީ ނިޒާމުގެ އުނިކަން ކަމުގައި ވިދާޅު ވިއެވެ. އަދި ސަރުކާރު ޒިންމާދާރު ކުރެވޭނީ ބަރުލަމާނީ ނިޒާމުން ކަމުގައި ފާހަގަ ކުރެއްވި އެވެ.
ރިޔާސީ ނިޒާމަށް ތާއީދު ކުރައްވަމުން އަދި ބަރުލަމާނީއަށް ވާހަކަފުޅު ދެއްކެވި ބޭފުޅުންނަށް ރައްދު ދެއްވަމުން އަލްއުސްތާޛު މުޙައްމަދު ނަޝީދާއި ޙުސައިން މުޙައްމަދު ވިދާޅުވީ މިހާރު ރާއްޖޭގައި ހިނގަމުން މިދަނީ ބަރުލަމާނީ ނިޒާމުގެ ސިފަތަކާއި ރިޔާސީ ނިޒާމުގެ ސިފަތައްވެސް އެކުލެވިގެންވާ މަސްހުނި ނިޒާމެއް ކަމުގަ އެވެ. އަދި ބާރުތައް (ދައުލަތް ހިންގުމުގެ ބާރާއި ޤާނޫނު ހެދުމުގެ ބާރާއި ޢަދުލު އިންސާފު ޤާއިމު ކުރުމުގެ ބާރު) ވަކިވެފައިވާ ސަރުކާރު ޒިންމާދާރު ކުރުވާ ވެރިކަމެއް ޤާއިމު ކުރެވޭނީ ރިޔާސީ ނިޒާމަކުން ކަމުގަ އެވެ. އަދި ރިޔާސީ ނިޒާމުގައި ޤައުމުގެ އެންމެހައި ރައްޔިތުންގެ ވޯޓުން ރައީސް ހޮވުމުގެ އިތުރުން ދައުލަތުގެ ވަޒީރުން ޢައްޔަން ކުރުމުގައި އެމީހުންނަށް ރައްޔިތުންގެ މަޖިލީހުގެ އަޣުލަބިއްޔަތު އޮތްތޯ ބަލަން ޖެހޭކަމަށްވެސް ވިދާޅު ވެފައި ވެއެވެ. މުޙައްމަދު ނަޝީދާއި ޙުސައިން މުޙައްމަދު ވިދާޅުވި ގޮތުގައި ބަރުލަމާނީ ނިޒާމުގައި މިސިފަތައް ނެތެވެ. އެނިޒާމުގައި ސަރުކާރު އެކުލަވައިލަނީ ރައްޔިތުންގެ މަޖިލީހުގެ ތެރެއިން ނެވެ. އަދި ބަރުލަމާނީ ނިޒާމުގައި ރައްޔިތުން އިންތިޚާބު ކުރަނީ ހަމައެކަނި މަޖިލީހުގެ މެމްބަރުން ނެވެ. ސަރުކާރު އެކުލަވައިލުމުގައި ރައްޔިތުންގެ އެއްވެސް ޙިއްސާއެއް ނޯވެ އެވެ. އަދި ދުނިޔޭގެ ބޮޑެތި ޤައުމު ތަކުގެ ތެރެއިން ބަރުލަމާނީ ނިޒާމަށް ވެރިކަންކުރާ ޤައުމުތަކުން މިސާލު ދައްކަވަމުން އެޤައުމުތަކަށް މިނިޒާމުގެ ތެރެއިން ދިމާވެފައި ހުރި މައްސަލަތައް ހާމަ ކުރެއްވި އެވެ.
ރޭގެ ބަޙުސްގައި މުޙައްމަދު ނަޝީދު ވިދާޅުވި ގޮތުގައި ދިވެހިރާއްޖެއަށް ބަރުލަމާނީ ނިޒާމު ގެނައުމަކީ ހޫނު ތަވައެއްގެ މަތީގައި އޮތް އެއްޗަކަށް ހޫނުވާތީ ސަލާމަތް ކުރަން އުނދުން ތެރެއަށް ވައްޓާލުން ފަދަ ކަމެއް ކަމުގަ އެވެ.
Report: Soodh
Velidhoo Community
އެމަނިކުފާނު މިހެން ވިދާޅުވީ، ޓެލެވިޜަން މޯލްޑިވްސް އާއި ދިވެހި ރާއްޖޭގެ އަޑު މެދުވެރި ކުރައްވައި ގެނެސްދެމުން ގެންދަވާ "ދިވެހިންގެ ނިންމުން 2007" ގެ ފަހު ޙަރަކާތެއްގެ ގޮތުން ބޭއްވި ބަޙުސެއް ގައެވެ.
ރިޔާސީ ނިޒާމަށް ތާއީދު ކުރައްވައި ބަޙުސް ކުރެއްވީ، ޑީ.އާރު.ޕީ ގެ ދެމެންބަރުން ކަމަށްވާ އަލްއުސްތާޛް މުޙައްމަދު ނަޝީދާއި ޙުސައިން މުޙައްމަދެވެ. ބަރުލަމާނީ ނިޒާމަށް ބަޙުސް ކުރެއްވީ އަލްއުސްތާޛް އަޙްމަދު ޙަމްޒާ އާއި މުޙައްމަދު ނާޝިދެވެ. ޓީ.ވީ މޯލްޑިވްސްއިން ވަގުތުން ދުރަށް ފޮނުއްވަމުން ދިޔަ މިބަޙުސްގައި ބަރުލަމާނީ ނިޒާމަށް ތާއީދު ކުރައްވާ ވާހަކަފުޅުދެއްކެވި ބޭފުޅުން، މިހާރު ރާއްޖޭގައި މިއޮތް ވެރިކަމުގެ ނިޒާމަކީ ރިޔާސީ ނިޒާމު ކަމުގައި ވިދާޅު ވިއެވެ. އަދި މިހާރުގެ ސަރުކާރުގެ ބައެއް ދާއިރާ ތަކަށާއި ކަންކަމަށް ފާޑު ވިދާޅުވަމުން އެއީ ރިޔާސީ ނިޒާމުގެ އުނިކަން ކަމުގައި ވިދާޅު ވިއެވެ. އަދި ސަރުކާރު ޒިންމާދާރު ކުރެވޭނީ ބަރުލަމާނީ ނިޒާމުން ކަމުގައި ފާހަގަ ކުރެއްވި އެވެ.
ރިޔާސީ ނިޒާމަށް ތާއީދު ކުރައްވަމުން އަދި ބަރުލަމާނީއަށް ވާހަކަފުޅު ދެއްކެވި ބޭފުޅުންނަށް ރައްދު ދެއްވަމުން އަލްއުސްތާޛު މުޙައްމަދު ނަޝީދާއި ޙުސައިން މުޙައްމަދު ވިދާޅުވީ މިހާރު ރާއްޖޭގައި ހިނގަމުން މިދަނީ ބަރުލަމާނީ ނިޒާމުގެ ސިފަތަކާއި ރިޔާސީ ނިޒާމުގެ ސިފަތައްވެސް އެކުލެވިގެންވާ މަސްހުނި ނިޒާމެއް ކަމުގަ އެވެ. އަދި ބާރުތައް (ދައުލަތް ހިންގުމުގެ ބާރާއި ޤާނޫނު ހެދުމުގެ ބާރާއި ޢަދުލު އިންސާފު ޤާއިމު ކުރުމުގެ ބާރު) ވަކިވެފައިވާ ސަރުކާރު ޒިންމާދާރު ކުރުވާ ވެރިކަމެއް ޤާއިމު ކުރެވޭނީ ރިޔާސީ ނިޒާމަކުން ކަމުގަ އެވެ. އަދި ރިޔާސީ ނިޒާމުގައި ޤައުމުގެ އެންމެހައި ރައްޔިތުންގެ ވޯޓުން ރައީސް ހޮވުމުގެ އިތުރުން ދައުލަތުގެ ވަޒީރުން ޢައްޔަން ކުރުމުގައި އެމީހުންނަށް ރައްޔިތުންގެ މަޖިލީހުގެ އަޣުލަބިއްޔަތު އޮތްތޯ ބަލަން ޖެހޭކަމަށްވެސް ވިދާޅު ވެފައި ވެއެވެ. މުޙައްމަދު ނަޝީދާއި ޙުސައިން މުޙައްމަދު ވިދާޅުވި ގޮތުގައި ބަރުލަމާނީ ނިޒާމުގައި މިސިފަތައް ނެތެވެ. އެނިޒާމުގައި ސަރުކާރު އެކުލަވައިލަނީ ރައްޔިތުންގެ މަޖިލީހުގެ ތެރެއިން ނެވެ. އަދި ބަރުލަމާނީ ނިޒާމުގައި ރައްޔިތުން އިންތިޚާބު ކުރަނީ ހަމައެކަނި މަޖިލީހުގެ މެމްބަރުން ނެވެ. ސަރުކާރު އެކުލަވައިލުމުގައި ރައްޔިތުންގެ އެއްވެސް ޙިއްސާއެއް ނޯވެ އެވެ. އަދި ދުނިޔޭގެ ބޮޑެތި ޤައުމު ތަކުގެ ތެރެއިން ބަރުލަމާނީ ނިޒާމަށް ވެރިކަންކުރާ ޤައުމުތަކުން މިސާލު ދައްކަވަމުން އެޤައުމުތަކަށް މިނިޒާމުގެ ތެރެއިން ދިމާވެފައި ހުރި މައްސަލަތައް ހާމަ ކުރެއްވި އެވެ.
ރޭގެ ބަޙުސްގައި މުޙައްމަދު ނަޝީދު ވިދާޅުވި ގޮތުގައި ދިވެހިރާއްޖެއަށް ބަރުލަމާނީ ނިޒާމު ގެނައުމަކީ ހޫނު ތަވައެއްގެ މަތީގައި އޮތް އެއްޗަކަށް ހޫނުވާތީ ސަލާމަތް ކުރަން އުނދުން ތެރެއަށް ވައްޓާލުން ފަދަ ކަމެއް ކަމުގަ އެވެ.
Report: Soodh
Velidhoo Community
No comments:
Post a Comment