ރާއްޖެއަށް ބޭނުންވަނީ ނިޒާމެއް ނޫން, ހަމަހަމަ ކަމާއި އަދްލު އިންސާފް އޮންނަ ވެރިކަމެއް: އަދާލަތު
ރާއްޖެއަށް ބޭނުންވަނީ ނިޒާމެއް ނޫން ކަމަށާއި ހަމަހަމަ ކަމާއި އަދްލު އިންސާފް ޤާއިމް ކުރެވިފައި އޮންނަ ވެރިކަމެއް ކަމުގައި އަދާލަތު ޕާޓީން ބުނެފި އެވެ
ބުދަ ދުވަހުގެ ރޭ ކަލާފާނު ސްކޫލުގައި ބޭއްވި އެޕާޓީގެ ޢާއްމު ބައްދަލުވުމެއްގައި ވާހަކަދައްކަވަމުން ޕާޓީގެ ރައީސް އައްޝައިޚް ހުސައިން ރަޝީދު އަހުމަދު ވިދާޅުވީ ޤައުމަށް ބޭނުންވަނީކީ މިހާރު ނިޒާމެއް ނޫން ކަމަށާއި ރައްޔިތުންނަށް ހަމަޖެހިލައިގެން އުފަލުގައި އުޅެވޭނެ ވެރިކަމެއް ކަމަށެވެ
” ޤައުމަށް ބޭނުންވަނީ ނިޒާމެއް ނޫން. ޤައުމަށް ބޭނުންވަނީ ހަމަހިމޭން ކަމެއް. ހިތްހަމަޖެހުން. އަދްލު އިންސާފެއް.ހަމަހަމަކަމާއި ތެދުވެރިކަމާއެކު އުޅެވޭނެ ވެއްޓެއް. ޢަދްލު އިންސާފް ޤާއިމްކޮށް އެންމެންގެ މެދުގައި ހަމަހަމަކަން ޤާއިމް ކުރާނެ ވެރިކަމެއް.“ ހުސައިން ރަޝީދު ވިދާޅުވިއެވެ
ހުސައިން ރަޝީދު ވިދާޅުވީ ސަރުކާރުން ނުވަތަ ރައްޔިތުންގެ ޚާއްޞަ މަޖިލީހުން ނިޒާމެއް ކަނޑައެޅުމުގައި ރައްޔިތުންގެ ވޯޓަކަށް ހުޅުވާލައިގެން މިއުޅެނީ ދެބޯގެރި ދުއްވުމަށް ކަމަށާއި މިފަދަ މުހިއްމު ކަންތައްތަކުގައި ރައްޔިތުންގެ ގާތު އަހާފައި ނުވާކަމަށެވެ. ނަމަވެސް ސުނާމީގައި ހާލުގައި ޖެހިފައިވާ މީހުން އެހާލުގައި ދިރިއުޅޭއިރުއައި ރައްޔިތުން އަނގަޔައި އަތާ ދިމާނުވެގެން އުޅޭ އިރުއާއި މުޅި ރާއްޖޭގައި ބަލިމަޑުކަމެއް ފެތުރިގެން ދާއިރުގައި އެކަންކަމާމެދު ސަރުކާރާއި އެހެން މީހުންވެސް އަޅާ ނުލައި އުޅެމުން މިގެންދެވެނީ ނިޒާމްގެ ކަންތައްތަކުގައި ކަމަށް ހުސައިން ރަޝީދު ވިދާޅުވިއެވެ
ހުސައިން ރަޝީދު ވިދާޅުވީ މައްސަލައަކީ ނިޒާމް ނޫން ކަމަށައި ބޭނުމީ އަމަން އަމާންކަށް ގެންނާނެ ބަޔަކު ކަމަށެވެ. ކޮންމެ ނިޒާމެއް އަޔަސް ވެރިން އިސްލާޙް ނުވާނަމަ ބެނުމެއް ނުހިފޭނެ ކަމަށެވެ
ހުސައިން ރަޝީދު ވިދަޅުވީ އިސްލާމް ދީނުގައި ވަކިނިޒާމަކަށް ވެރިކަން ކުރަން ޖެހޭނެ ކަމަކަށް ނެތްކަމަށާއި ދީނުގައި އޮންނަނީ އިސްލާމި އުސުލުގެ މަތިން އިސްލާމީ ހުކުމްތަކާ އެއްގޮތަސް ވެރިކަން ކުރުން ކަމަށެވެ
ރޭގެ ޖަލްސާގައި ހުސައިން ރަޝީދުގެ އިތުރުން ޕާޓީގެ ޢިލްމުވެރިންގެ މަޖިލީހުގެ ރައީސް ޑރ ޢަބްދުލް މަޖީދު ޢަބްދުލް ބާރީއާއި އެމަޖިލީހުގެ ނައިބު ރައީސް އައްޝައިޚް އިލްޔާސް ހުސައިންވެސް ވާހަކަ ދެއްކެވިއެވެ. މިދެބޭފުޅުންވެސް ވާހަކަދެއްކެވީ ދީނީ މައުލޫއަކަށެވެ
ރޭގެ ޖަލްސާ ފެށުނުއިރު އެހާ ގިނަ މީހުން ނެތްނަމަވެސް ފަހުން ފުދޭވަރަކަށް މިހުން ވަނީ ހާޒިރު ވެފައެވެ
Report: Velidhoo Community
No comments:
Post a Comment