16 August 2007
ކޮންމެ ކަމަކަށްވެސް ވަގުތަކާއި، ޙާލަތެއް އޮންނަން ވާނެ އެވެ. ކޮންމެ ކަމެއްވެސް ކުރަން ވާނީ އެ ކަމަކަށް ކަނޑައެޅޭ ނުވަތަ އެ ކަމަކަށް އެންމެ ރަނގަޅު ވަގުތަކާއި، ޙާލަތެއް ބަލާފަ އެވެ. އެހެން ނޫނީ ކުރަން އުޅޭ ކަމެއް ނުކުރެވުން އޮންނާނީ ދާދި ގާތުގަ އެވެ. އަދި ކުރަން އުޅުނު ކަމަކީ ނުބައި ކަމެއްގެ ގޮތުގައި ފެނިގެން ދިއުމަކީވެސް ވަރަށް ބޮޑަށް އެކަށީގެންވާ ކަމެކެވެ. ފާޑު ކިއުމާއި، ކަންކަމާ ދެކޮޅު ހެދުމަކީ މިހާރަކަށް އައިސް އަޅުގަނޑުމެންގެ ތެރޭގައި ވަރަށް ގިނައިން ކުރެވޭ ކަމަކަށް މިއޮތީ ވެފަ އެވެ. އެހެން ނަމަވެސް ބައެއް ފަހަރަށް ވަގުތާއި، މާހައުލާ ނުގުޅޭ ކަހަލަ ގޮތަކަށް މި ކަންތައްތައް ކުރެވިފައި އެބަ ހުރެއެވެ.
ފާޑު ކިޔުމަކީ ތާއަބަދު ކުރާ ކަމަކަށް ހަދައިފި ނަމަ އެކަމުގެ އަގު ވެއްޓިދާނެ އެވެ. އެއީ ޒުވާބަކަށް ނުވަތަ ޖެއްސުމަކަށް ބަދަލު ވެގެން ހިނގައިދާނެ އެވެ. އަދި އެއީ ކޮންމެ ކޮންމެ ތަނެއްގައި ކުރާ ކަމަކަށްވެސް ހަދައިގެން ނުވާނެ އެވެ. އެހެން ވެއްޖެ ނަމަ ބައެއް ފަހަރަށް ތަންތަނުގެ ޙުރުމަތް ކެނޑޭ ގޮތްވެސް ވެދާނެ އެވެ. ބައެއް ފަހަރަށް އަޅުގަނޑުމެންނަށް ފެންނަނީ ނަމާދުން ފައިބައިގެން މިސްކިތުގެ ގޯތި ތެރޭގައި ތިބެގެން ފާޑު ކިޔުމާއި، ސިޔާސީ ވާހަކަތައް ދައްކާ ތަނެވެ. އިންސާނާގެ ސިކުނޑިއަކީ ބަންދު ކުރެވޭނޭ އެއްޗެއް ނޫނެވެ. އެހެން ނަމަވެސް މިސްކިތުގެ ޙުރުމަތަށްޓަކައި ބައެއް ފަހަރަށް ދޫކޮށްލަން ޖެހޭ ވާހަކަތައްވެސް ހުންނަން ވާނެ އެވެ. މިސްކިތަކީ އަޅުކަން ކުރާ ތަނެކެވެ. ނެތިނުބައި މޮށުމާއި، ވިޔާނުދާ ވާހަކަ ދެއްކުމަކީ މިސްކިތުގެ ތެރޭގައި ކޮށްގެން ވާނެ ކަމެއް ނޫނެވެ.
ކަންކަމާ ދެކޮޅު ހެދުމަކީވެސް މިހެން އޮތް ކަމެކެވެ. ކޮންމެ ކޮންމެ ކަމަކީ ދެކޮޅު ހަދައިގެން ވާނެ ކަމެއް ނޫނެވެ. ހިތްހަމަ ނުޖެހޭ ކަމެއް ދިމާވެއްޖެ ނަމަ އެންމެ ފުރަތަމަ ކުރަންވީ ކަމަކީ ޞުލްޙަވެރިކަމާއެކު ވާހަކަ ދައްކައިގެން އެކަމެއް ޙައްލު ކުރެވޭތޯ ބެލުމެވެ. އެއްވެ، އަޑު ގަދަ ކުރުމަކީ އެންމެ ފަހުން މަޖުބޫރު ވެގެން ނޫނީ ކުރުން ރަނގަޅު ކަމެއް ނޫނެވެ
Report: Velidhoo Community
ކޮންމެ ކަމަކަށްވެސް ވަގުތަކާއި، ޙާލަތެއް އޮންނަން ވާނެ އެވެ. ކޮންމެ ކަމެއްވެސް ކުރަން ވާނީ އެ ކަމަކަށް ކަނޑައެޅޭ ނުވަތަ އެ ކަމަކަށް އެންމެ ރަނގަޅު ވަގުތަކާއި، ޙާލަތެއް ބަލާފަ އެވެ. އެހެން ނޫނީ ކުރަން އުޅޭ ކަމެއް ނުކުރެވުން އޮންނާނީ ދާދި ގާތުގަ އެވެ. އަދި ކުރަން އުޅުނު ކަމަކީ ނުބައި ކަމެއްގެ ގޮތުގައި ފެނިގެން ދިއުމަކީވެސް ވަރަށް ބޮޑަށް އެކަށީގެންވާ ކަމެކެވެ. ފާޑު ކިއުމާއި، ކަންކަމާ ދެކޮޅު ހެދުމަކީ މިހާރަކަށް އައިސް އަޅުގަނޑުމެންގެ ތެރޭގައި ވަރަށް ގިނައިން ކުރެވޭ ކަމަކަށް މިއޮތީ ވެފަ އެވެ. އެހެން ނަމަވެސް ބައެއް ފަހަރަށް ވަގުތާއި، މާހައުލާ ނުގުޅޭ ކަހަލަ ގޮތަކަށް މި ކަންތައްތައް ކުރެވިފައި އެބަ ހުރެއެވެ.
ފާޑު ކިޔުމަކީ ތާއަބަދު ކުރާ ކަމަކަށް ހަދައިފި ނަމަ އެކަމުގެ އަގު ވެއްޓިދާނެ އެވެ. އެއީ ޒުވާބަކަށް ނުވަތަ ޖެއްސުމަކަށް ބަދަލު ވެގެން ހިނގައިދާނެ އެވެ. އަދި އެއީ ކޮންމެ ކޮންމެ ތަނެއްގައި ކުރާ ކަމަކަށްވެސް ހަދައިގެން ނުވާނެ އެވެ. އެހެން ވެއްޖެ ނަމަ ބައެއް ފަހަރަށް ތަންތަނުގެ ޙުރުމަތް ކެނޑޭ ގޮތްވެސް ވެދާނެ އެވެ. ބައެއް ފަހަރަށް އަޅުގަނޑުމެންނަށް ފެންނަނީ ނަމާދުން ފައިބައިގެން މިސްކިތުގެ ގޯތި ތެރޭގައި ތިބެގެން ފާޑު ކިޔުމާއި، ސިޔާސީ ވާހަކަތައް ދައްކާ ތަނެވެ. އިންސާނާގެ ސިކުނޑިއަކީ ބަންދު ކުރެވޭނޭ އެއްޗެއް ނޫނެވެ. އެހެން ނަމަވެސް މިސްކިތުގެ ޙުރުމަތަށްޓަކައި ބައެއް ފަހަރަށް ދޫކޮށްލަން ޖެހޭ ވާހަކަތައްވެސް ހުންނަން ވާނެ އެވެ. މިސްކިތަކީ އަޅުކަން ކުރާ ތަނެކެވެ. ނެތިނުބައި މޮށުމާއި، ވިޔާނުދާ ވާހަކަ ދެއްކުމަކީ މިސްކިތުގެ ތެރޭގައި ކޮށްގެން ވާނެ ކަމެއް ނޫނެވެ.
ކަންކަމާ ދެކޮޅު ހެދުމަކީވެސް މިހެން އޮތް ކަމެކެވެ. ކޮންމެ ކޮންމެ ކަމަކީ ދެކޮޅު ހަދައިގެން ވާނެ ކަމެއް ނޫނެވެ. ހިތްހަމަ ނުޖެހޭ ކަމެއް ދިމާވެއްޖެ ނަމަ އެންމެ ފުރަތަމަ ކުރަންވީ ކަމަކީ ޞުލްޙަވެރިކަމާއެކު ވާހަކަ ދައްކައިގެން އެކަމެއް ޙައްލު ކުރެވޭތޯ ބެލުމެވެ. އެއްވެ، އަޑު ގަދަ ކުރުމަކީ އެންމެ ފަހުން މަޖުބޫރު ވެގެން ނޫނީ ކުރުން ރަނގަޅު ކަމެއް ނޫނެވެ
Report: Velidhoo Community
No comments:
Post a Comment