ދުނގެތިވާ މިޔުޒިކް ޝޯ ޖުލައި 20 ވަނަ ދުވަހުގެ ރޭ އާޓިފިޝަލް ބީޗް ސްޓޭޖްގައި
18 ޖުލައި 2007
ގްރީން މޯލްޑިވްސް އާއި ދިވެހި ރައްޔިތުންގެ ޕާޓީގެ ޒުވާނުންގެ ގޮތްޕާއި ގުޅިގެން ޖުލައި 20 ވަނަ ދުވަހުގެ ރޭ 9:00 ގައި ޚާއްޞަ މިޔުޒިކް ޝޯއެއް އާޓިފިޝަލް ބީޗް ސްޓޭޖްގައި އޮންނާނެއެވެ. "ދުނގެތިވާ" ނަމުގައި ބޭއްވޭ މި ޝޯގެ ތީމް އަކީ " ވަން ޓްރީ ކޭން ސޭވް އަ ލައިފް، އަ ބިލިއަން ޓްރީސް ކޭން ސޭވް ދަ ޕްލެނެޓް" މިއެވެ. އެކްސް އެން ޖޭމް، ޑޭމްނޑް އަދި ޑިޓޯހެޑް ބޭންޑްގެ ލައިވް މިޔުޒިކް ބޭއްވޭ މި ޝޯގެ މެއިން ސްޕޮންސަރ އަކީ އެމް.ޓީ.ސީ.ސީ އާއި ދިވެހި ރައްޔިތުންގެ ޕާޓީގެ ޒުވާނުންގެ ގޮތްޕެވެ.
މި ޝޯއަކީ ތިމާވެށި ޚިމާޔަތް ކުރުމަށްޓަކައި ކޮންމެ މީހަކުވެސް އެއްގަސް އިންދުމަށް ހިތްވަރުދިނުމަށް ބާއްވާ ޝޯއެކެވެ. އަދި މިޝޯގެ އެއްސްޕޮންސަރގެ ގޮތުން ދިވެހި ރައްޔިތުންގެ ޕާޓީން ތާއީދު ކުރައްވާ "ރިޔާސީ ނިޒާމް" ޝިއާރު ޝޯހިގަމުންދާ ވަގުތުގައި ގެނެސްދެވޭނެއެވެ. " އަހަރުމެންގެ ޤައުމުގެ އެންމެ މަތީވެރިޔާ ހޮވުމަށް އަހަރުމެންނަށް ލިބިފައިވާ ހައްޤު ދޫކޮށް ނުލަމާ – ރިޔާސީ ނިޒާމަށް ވޯޓުދެއްވާ " މިއީ މި ޝޯގެ އިސްތިހާރު ތަކުގައި ޕާޓީގެ ޒުވާނުންގެ ގޮފިން ޢާންމު ކޮށްފައިވާ ޝިޢާރެވެ.
މިޝޯ ބެއްލެވުމަށް ޕާޓީގެ މެންބަރުންނާއި އަދި ޕާޓީއަށް ހެޔޮ އެދި ވަޑައިގަންނަވާ އެންމެހާފަރާތްތަކުން ވަޑައިގެންނެވުމަކީ ޕާޓީގެ ވަރަށް ބޮޑު އެދުމެކެވެ.
No comments:
Post a Comment