އިމާދު ސޯލިހު ބަންދުގައި ބަހައްޓައިގެން ހާޒިރު ކުރުމަށް ކޯޓް އަމުރު ނެރެފި
ރައީސުލް ޖުމްހޫރިއްޔާގެ މެންބަރ އިމާދު ޞާލިހް ޅ އަތޮޅު މެންބަރ ހުސައިން އިބްރާހީމްގެ އަބުރުފުޅާ ބެހުނު ކަމަށް ބުނެ މަދަނީ ކޯޓަށް ހުށަހެޅި މައްސަލައިގެ ޝަރީއަތުގެ ފުރަތަމަ އަޑުއެހުމަށް އިމާދު ސާލިހު ހާޒިރު ނުވުމުން ކޯޓު އަމުރާ ޚިލާފްވީ ކަމަށް ވިދާޅުވެ އޭނާ ބަންދުގައި ބަހައްޓައިގެން ހާޒިރު ކުރުމަށް މަދަނީ ކޯޓުން މިއަދު ނިންމަވައިފި އެވެ
މިއަދު މެންދުރު 12 ޖެހިއިރު މަދަނީ ކޯޓުގައި އޮތް މިޝަރީއަތުގެ މަޖިލީހަށް އިމާދު ޞާލިހް ވަނީ ހާޒިރުވެ ވަޑައި ނުގެންފަ އެވެ. އެހެން ކަމުން މަދަނީ ކޯޓުގެ ޤާޒީ މުހައްމަދު ނައީމް ނިންމެވީ ހާޒިރުވުމުގެ ޗިޓް އިމާދުސާލިހަށް ހަވާލުކުރެވިފައިވީނަމަވެސް އޭނާ ހާޒިރުވެ ވަޑައިނުގެންނެވުމުން އޭނާ ކޯޓު އަމުރާ ޚިލާފްވީ ކަމަށެވެ. އަދި އޭނާ ބަންދުގައި ބަހައްޓަވައިގެން މިމަހުގެ 31 ވަނަ ދުވަހު ކޯޓަށް ހާޒިރުކުރުމަށް އަމުރު ނެރުއްވުމަށްފަހު މިއަދުގެ ޝަރީއަތުގެ މަޖިލިސް ނިންމަވާލެއްވިއެވެ
މިމައްސަލައަކީ މިދިޔަ މަހުގެ 23 ވަނަ ދުވަހު އޮތް ރައްޔިތުންގެ ޚައްޞަ މަޖިލީހުގެ ޖަލްސާ ނިމުނުފަހުން އެތައް މެންބަރުންނެއްގެ ތެރޭގައި ހުންނަވައިގެން ރައީސުލްޖުމްހޫރިއްޔާގެ މެންބަރ އިމާދު ސާލިޙް ޅ އަތޮޅު މެންބަރ ހުސައިން އިބްރާހިމާ ދިމާލަށް ” އޭ މިހިރަ ނަ......... އޭ“ ވިދާޅުވެ އަބުރުފުޅާ ބެހުމުގެ މައްސަލަ އެވެ
އިމާދު ސާލހް އެހެން ވިދާޅުވި އޯޑިއޯ މާލެ ތެރޭގައާއި ބައެއް އިންޓަރނެޓް ސައިޓްގައި ހިމަނާފައިވެ އެވެ
Report: Velidhoo News
No comments:
Post a Comment